इंदौर :महाराष्ट्रात उद्धव ठाकरे सरकार पडल्यानंतर आता शिवसेनेकडून एकनाथ शिंदे ( Eknath Shinde ) सरकारविरोधात जोरदार भाषणबाजी सुरू ( maharashtra politics ) आहे. दरम्यान, एकनाथ शिंदे गटातील अनेक आमदार भाजपच्या संपर्कात असल्याचीही चर्चा आहे. त्याचवेळी शिंदे यांना भाजपमध्ये आणण्याचे प्रयत्न सुरू असले तरी भाजपच्या नेत्यांनी याचा इन्कार केला आहे. दुसरीकडे भाजपचे राष्ट्रीय सरचिटणीस कैलाश विजयवर्गीय ( Kailash vijayvargiya statement on maharashtra politics )यांनी महाराष्ट्रातील या राजकीय उलथापालथीवर मोठे वक्तव्य केले आहे.
उद्धव ठाकरेंमध्ये मॅच्युरिटी अजून यायची आहे : भाजपचे सरचिटणीस कैलाश विजयवर्गीय म्हणाले की, उद्धव ठाकरेंमध्ये राजकीय परिपक्वता (vijayvargiya said uddhav thackeray lacks maturity) अजून यायची आहे. कदाचित शिवसेनेती धक्यामुळे त्यांच्यात परिपक्वता येऊ शकते. एकनाथ शिंदे भाजपमध्ये प्रवेश करण्याच्या प्रश्नावर राष्ट्रीय सरचिटणीस म्हणाले की, त्यांना भाजपमध्ये आणण्यासाठी सध्या कोणतेही प्रयत्न केले जात नाहीत. त्यांचे सरकार महाराष्ट्रात चांगले काम करत आहे. त्याचवेळी शिंदे गटाचे आमदार भाजपमध्ये येऊ शकतात का, असा प्रश्न त्यांना विचारला असता ते म्हणाले की, त्यांना भाजपमध्ये बोलावण्याचा आमची इच्छा नाही, ते आमचे चांगले मित्र आहेत.
22 आमदार सरकारच्या कामावर नाराज? : नुकतेच शिवसेनेचे मुखपत्र असलेल्या सामनामध्ये एकनाथ शिंदे यांचे 22 आमदार सरकारच्या कामावर नाराज असल्याचा उल्लेख करण्यात आला होता. शिंदे सरकारच्या शालेय शिक्षणमंत्र्यांनी हे दावे पूर्णत: खोटे असल्याचे म्हटले असले तरी, काही नेते भाजपच्या संपर्कात आहेत अशी वक्तव्य ठाकरे गटाकडून करण्यात येत आहे. मात्र, सरकार आपल्या कामात व्यस्त असून, विकासकामे करतच राहणार असल्याचे ते म्हणाले होते.
