बेळगाव : कर्नाटक महाराष्ट्र सीमा वादाचे प्रकरण (Maharashtra Karnataka Border dispute) सध्या सर्वोच्च न्यायालयात आहे. बेळगाव येथील सुवर्णसौधा येथे १९ डिसेंबरपासून विधिमंडळाचे हिवाळी अधिवेशन सुरू होणार आहे. त्याच दिवशी, महाराष्ट्र एकीकरण समिती (Maharashtra ekikaran samiti) (MES) बेळगावमध्ये महामेळावा (मराठी संमेलन) आयोजित करण्याची तयारी करत आहे. एमईएसने बेळगावचे जिल्हाधिकारी, शहर पोलीस आयुक्त आणि महानगरपालिका आयुक्तांना निवेदन देऊन शहरातील टिळकवाडी येथील व्हॅक्सिन डेपो मैदानावर महामेळावा आयोजित करण्याची परवानगी मागितली आहे.(MES to organize Mahamelava in Belgaon).
मराठी भाषिकांना आपलेसे करण्याचा प्रयत्न : कर्नाटक-महाराष्ट्र सीमा विवाद प्रकरणाची सुनावणी सुप्रीम कोर्टात लवकरच सुरू होणार आहे. महाराष्ट्राला लागून असलेल्या बेळगावच्या सीमेवर काही दिवसांपूर्वी तणावपूर्ण परिस्थिती निर्माण झाली होती. महाराष्ट्रात कर्नाटकच्या बसेसवर शाई लावण्यात आली. तर कर्नाटकात महाराष्ट्राच्या वाहनांचे नुकसान झाल्याच्या घटना घडल्या आहेत. अशी परिस्थिती असताना आता विधानसभा अधिवेशनाच्या पहिल्याच दिवशी महामेळावा घेण्याचे नियोजन एमईएसने केले आहे. कर्नाटकात काही महिन्यांत विधानसभा निवडणुका होणार आहेत. त्या आधी, मराठी भाषिकांना आपल्या बाजूने घेण्यासाठी एमईएस ही युक्ती करत असल्याचे सांगण्यात येत आहे.