नवी दिल्ली :संसदेच्या अर्थसंकल्पीय अधिवेशनाचे दुसरे सत्र आजपासून सुरू होता आहे. मात्र, मार्च-एप्रिलमध्ये चार राज्यांमध्ये होणाऱ्या विधानसभा निवडणुकांचा विचार करता या सत्राचा कालावधी कमी करण्यात येण्याची शक्यता आहे.
अधिवेशनाच्या या सत्राचा समारोप आठ एप्रिलला होणार आहे. मात्र तामिळनाडू, पश्चिम बंगाल, केरळ, आसाम आणि पद्दुचेरीमध्ये विधानसभा निवडणुका तोंडावर आहेत. त्यामुळे बरेच मोठे नेते प्रचारात व्यग्र असणार आहेत. हे लक्षात घेता सत्राचा कालावधी कमी करण्यात येऊ शकतो. याबाबत अधिकृत माहिती मात्र समोर आली नाही.