दिल्ली:आजपासून नवीन वर्ष सुरू झाले आहे. सर्वसामान्यांना पहिल्याच दिवशी मोठा धक्का बसला आहे. (LPG Price Hike) आजपासून एलपीजी सिलिंडरच्या दरात बदल करण्यात आला आहे. तेल कंपन्यांनी स्वयंपाकाच्या गॅसच्या दरात कोणताही बदल केलेला नाही. मात्र व्यावसायिक गॅस सिलिंडरच्या दरात वाढ करण्यात आली आहे. (cylinder rate increased 25 rupees )आजपासून व्यावसायिक गॅस सिलिंडरच्या दरात 25 रुपयांनी वाढ करण्यात आली आहे.
देशाची राजधानी दिल्लीत आता व्यावसायिक सिलिंडरची किंमत १७६९ रुपयांवर पोहोचली आहे. (Gas Cylinder Price) तर कोलकातामध्ये हे सिलिंडर १८७० रुपयांना मिळणार आहे. देशाची आर्थिक राजधानी मुंबईत त्याची किंमत १७२१ रुपये आहे. आणि चेन्नईमध्ये व्यावसायिक सिलिंडरची किंमत 1917 रुपये आहे. यापूर्वी 1 डिसेंबर रोजी घरगुती गॅस आणि व्यावसायिक गॅस सिलिंडरच्या दरात कोणताही बदल करण्यात आलेला नाही. (Cylinder Prices Update) 19 किलोचा व्यावसायिक गॅस सिलेंडर आणि 14.2 किलोचा घरगुती गॅस सिलिंडर आहे.
दर महिन्याला बदल:गॅस कंपन्या दर महिन्याच्या पहिल्या दिवशी एलपीजीच्या किमती बदलतात. अशा परिस्थितीत नवीन वर्षाच्या सुरुवातीला किंवा 1 जानेवारी 2023 रोजीही एलपीजी सिलिंडरच्या किमतीत बदल करण्यात आला आहे. 6 जुलै 2022 रोजी घरगुती गॅस सिलेंडरची किंमत बदलण्यात आली. त्यावेळी भावात 50 रुपयांनी वाढ झाली होती. गेल्या वर्षभरात घरगुती गॅस सिलेंडरची किंमत १५३.५ रुपयांनी महागली आहे. त्याच वेळी, 2022 मध्ये, घरगुती एलपीजीच्या किंमतीत चार वेळा बदल झाला आहे.
या शहरांमध्ये घरगुती गॅस सिलिंडरच्या किमती: दिल्ली - 1053 रुपये प्रति सिलेंडर, मुंबई - 1052.5 रुपये प्रति सिलेंडर, कोलकाता - 1079 रुपये प्रति सिलेंडर, चेन्नई - 1068.5 रुपये प्रति सिलेंडर
जीएसटी इनव्हॉइसिंग मर्यादा ५ कोटी: 1 जानेवारी 2023 पासून GST ई-इनव्हॉइसिंग किंवा इलेक्ट्रॉनिक बिलाचे नियम बदलणार आहेत. सरकारने ई-इनव्हॉइसिंगसाठी 20 कोटी रुपयांची मर्यादा 5 कोटी रुपयांपर्यंत कमी केली आहे. हा नियम 2023 च्या पहिल्या दिवसापासून लागू होईल. हा नियम लागू झाल्यानंतर आता ज्या व्यावसायिकांचा व्यवसाय वार्षिक पाच कोटींहून अधिक आहे, त्यांना इलेक्ट्रॉनिक बिल तयार करणे आवश्यक होणार आहे.
