महाराजगंज (उत्तरप्रदेश): Facebook Live Suicide Attempt: फेसबुक लाइव्हवर प्रियकराने गॅलेंडर मशीनने स्वतःचा गळा चिरला. प्रेयसीशी न बोलल्याने प्रियकराने हे भयंकर पाऊल उचलल्याचे सांगण्यात येत आहे, त्यामुळे तरुणाची प्रकृती चिंताजनक आहे.
पुरंदरपूर पोलीस ठाण्याचे प्रभारी उमेश कुमार यांनी सांगितले की, या प्रकरणाची संपूर्ण माहिती आहे. माहिती मिळताच त्याचे कुटुंबीय हैदराबादला रवाना झाले आहेत. याप्रकरणी तक्रार आल्यावर कारवाई केली जाईल.
मिळालेल्या माहितीनुसार, महाराजगंज येथील पुरंदरपूर पोलीस स्टेशन परिसरात राहणारा शैलेश याने प्रेमप्रकरणातून आत्महत्येचा प्रयत्न केला. प्रेयसीचे लग्न इतरत्र निश्चित झाल्यानंतर दुखावलेल्या प्रियकराने फेसबुकवर तिच्या बेवफाईच्या पोस्ट टाकण्यास सुरुवात केली असल्याचे सांगितले जात आहे.
यानंतर फेसबुकवर लाईव्ह येत त्याने गॅलेंडर मशीनने स्वतःचाच गळा चिरला. फेसबूक लाईव्हवर ही चिरफाड घडलेली घटना पाहून त्याला ओळखणाऱ्यांमध्ये एकच खळबळ उडाली. तरुणाच्या फेसबुक फ्रेंडने तातडीने कुटुंबीयांना याची माहिती दिली. सध्या या तरुणाची प्रकृती चिंताजनक आहे.
शैलेश हैदराबाद येथे कामासाठी गेला होता, असे सांगण्यात येत आहे. दरम्यान, प्रेयसीच्या कुटुंबीयांनी तिचे लग्न अन्यत्र निश्चित केले, याची माहिती प्रियकराला आली. यानंतर तरुणाने हैदराबाद येथील प्रेयसीशी संपर्क साधण्याचा प्रयत्न केला. कोणताही संपर्क नसताना त्याने फेसबुकवर लाईव्ह येऊन त्याचा गळा चिरला.