श्रीनगर : लडाखच्या लेह जिल्ह्यातील चांगथांग भागामध्ये काही चीनी वाहने शिरल्याचे एका व्हायरल व्हिडिओमध्ये दिसून येत आहे. हा व्हिडिओ नेमका कधीचा आहे हे स्पष्ट होत नसले, तरी रविवारी हा व्हिडिओ सगळीकडे पसरला, आणि ही बाब उघड झाली. यामध्ये चीनी नागरिक भारताच्या काही भागात शिरुन स्थानिकांशी हुज्जत घालतानाही दिसून येत आहेत.
काही दिवसांपूर्वीची घटना..
हा व्हिडिओ बाहेर आल्यानंतर स्थानिकांमध्ये असंतोष पसरला असून, त्याविरोधात त्यांनी आंदोलन सुरू केले आहे. भारतीय सैन्याने याबाबत अजून कोणतेही वक्तव्य केले नसले, तरी स्थानिक प्रशासनाने दिलेल्या माहितीनुसार ही घटना काही दिवसांपूर्वीची आहे. लडाखच्या न्योमा मतदारसंघातील नगरसेवक इश्ये स्पालझंग यांनी ही घटना काही दिवसांपूर्वीची असल्याचे सांगितले, मात्र याबाबत आपल्याला अधिक काही माहिती नाही, असेही ते म्हणाले.
चीनी नागरिकांची लडाखमध्ये घुसखोरी; स्थानिकांशी घातली हुज्जत..