अहमदाबाद : राज्यात 27 वर्षे सत्तेत असूनही गुजरात विधानसभा निवडणुकीत ( Gujarat Election Result ) भारतीय जनता पक्षाला यावेळी प्रचंड बहुमत मिळाले आहे. दुसरीकडे, असदुद्दीन ओवैसी यांच्या पक्ष ऑल इंडिया मजलिस-ए-इत्तेहादुल मुस्लिमीनला गुजरात निवडणुकीत नोटा ( NOTA ) पेक्षा कमी मते मिळाली आहेत. निवडणूक आयोगाच्या वेबसाइटनुसार, 2022 च्या गुजरात विधानसभा निवडणुकीत ओवैसींच्या पक्षला ( AIMIM ) 0.29 टक्के मते मिळाली आहेत. हा आकडा NOTA ला मिळालेल्या मतांच्या टक्केवारीपेक्षा कमी आहे. तर गुजरात निवडणुकीत NOTA ला 1.57 टक्के मते मिळाली होती.
Gujarat Election Result : आमचे मन खचलेले नाही, गुजरात निवडणुकीच्या निकालानंतर ओवैसींची प्रतिक्रिया
गुजरात निवडणुकीत ( Gujarat Election Result ) असदुद्दीन ओवैसींचा पक्ष एआयएमआयएमच्या पराभवावर ओवीसींनी वक्तव्य केले आहे. पराभवावर ते म्हणाले की, आमचे मन खचलेले नाही. पुढे जाण्यासाठी आम्ही कठोर परिश्रम करू.
असदुद्दीन ओवेसी
ओवेसींनी केले वक्तव्य : गुजरात निवडणुकीत असदुद्दीन ओवैसींचा पक्ष एआयएमआयएमच्या पराभवावर ओवीसींनी वक्तव्य केले आहे. पराभवावर ते म्हणाले की, आमचे मन खचलेले नाही. पुढे जाण्यासाठी आम्ही कठोर परिश्रम करू. असदुद्दीन ओवैसी म्हणाले की, गुजरातमध्ये पहिल्यांदाच विधानसभा निवडणूक लढवली. आम्ही 13 जागांवर आमचे उमेदवार उभे केले. यश मिळत नसले तरी आमचे मनोबल खचलेले नाही. मी सर्व मतदारांचे आभार मानतो. आम्ही बसून बोलू, यातील कमकुवतपणा दूर करू. जानेवारीत मी पुन्हा गुजरातला जाणार असून पक्ष कसा मजबूत करता येईल यावर चर्चा करणार आहे.
गुजरातमधील विविध पक्षांच्या मतांची टक्केवारी
- आप 12.92%
- एआईएमआईएम 0.29%
- बीजेपी 52.50%
- बसपा 0.50%
- सीपीआई 0.01%
- सीपीआई(एम) 0.03%
- सीपीआई(एमएल)(एल) 0.01%
- कांग्रेस 27.28%
- जेडी(एस) 0.01%
- एलजेपीआरवी 0.00%
- एनसीपी 0.24%
- नोटा 1.57%
- एसपी 0.29%
- इतर 4.34%
Last Updated : Dec 9, 2022, 10:10 AM IST