बेंगळुरू (कर्नाटक) : कर्नाटक काँग्रेसचे अध्यक्ष डीके शिवकुमार यांच्यासोबत एक धक्कादायक गोष्ट घडली आहे. होस्कोटेजवळ डीके शिवकुमार यांच्या हेलिकॉप्टरला गरुडाची मोठी जोरदार धडक बसली. त्यामुळे त्यांच्या हेलिकॉप्टरच्या पुढील काचा फुटल्या. पायलटच्या प्रसंगावधानामुळे हेलिकॉप्टर बेंगळुरू येथील एचएएल हेलिपॅडवर सुरक्षितपणे उतरले. या अपघातात डीके शिवकुमार यांना कोणत्याही प्रकारची दुखापत झाली नाही. मात्र, या घटनेदरम्यान त्यांच्यासोबत हेलिकॉप्टरमध्ये उपस्थित असलेल्या अन्य दोघांना किरकोळ दुखापत झाली आहे. डीके शिवकुमार एका निवडणूक रॅलीसाठी मुलाबागिलू येथे जात असताना ही घटना घडली.
त्याच हेलिकॉप्टरचे तातडीने इमर्जन्सी लँडिंग करावे लागले : मिळालेल्या माहितीनुसार, आज सकाळी बेंगळुरूमधील एका खासगी हॉटेलमध्ये पक्षाचा जाहीरनामा प्रसिद्ध केल्यानंतर शिवकुमार हेलिकॉप्टरने कोलारच्या मुलबागिली येथे निवडणूक प्रचारासाठी जात होते. त्यानंतर, उड्डाणाच्या दरम्यान, होस्कोटेजवळ एक गरुड त्यांच्या हेलिकॉप्टरला धडकले. पक्ष्याच्या धडकेने हेलिकॉप्टरच्या विंडशील्डचा चक्काचूर झाला. अपघातामुळे डीके शिवकुमार ज्या हेलिकॉप्टरमध्ये प्रवास करत होते. त्याच हेलिकॉप्टरचे तातडीने इमर्जन्सी लँडिंग करावे लागले. हेलिकॉप्टरमध्ये पायलटसह सात जण यावेळी उपस्थित होते.