Karnataka Assembly Election 2023 : कर्नाटक निवडणुकीवर एक नजर, एकाच क्लिकवर वाचा संपूर्ण माहिती

कर्नाटक विधानसभा निवडणुकीचा धुरळा उद्या उडणार आहे. एकाचवेळी सर्व २२४ मतदारसंघात मतदान होणार आहे. कर्नाटकातील राजकारणाच्या संपूर्ण मतदानाच्या दिवशीचा लेखाजोखा या बातमीत वाचा एका क्लिकवर...

बंगळुरू : कर्नटकात विधानसभेच्या 224 जागांसाठी १० मे रोजी मतदान होत आहे. या सर्वच मतदारसंघांमध्ये विविध राजकीय पक्षांनी एकूण ५०५३ उमेदवारी अर्ज सादर केले होते. त्यापैकी 3953 स्वीकारण्यात आले तर 502 अर्ज बाद करण्यात आले. तसेच 563 उमेदवारी अर्ज मागे घेण्यात आले आहेत. सध्या 2615 उमेदवार रिंगणात आहेत. त्यामध्ये 2429 पुरुष उमेदवार, 185 महिला उमेदवार, 1 ट्रान्सजेंडर, 918 अपक्ष उमेदवार आहेत.

कर्नाटक राज्यातील मतदार : एकूण 224 मतदारसंघांसाठी होणाऱ्या निवडणुकीत राज्यात सगळे मिळून 5,21,76,579 कोटी मतदार आहेत. यामध्ये 2,62,42,561 पुरुष मतदार असून 2,59,26,319 महिला मतदार, तर 4839 इतर मतदार आहेत. 5,55,073 मतिमंद मतदार, 80 वर्षांवरील 12,15,763 आणि 100 वर्षांवरील 16,976 मतदार आहेत. तसेच 9,17,241 मतदारांची पहिल्यांदा मतदानासाठी (18-19 वयोगटातील) नोंदणी झाली आहे.

कर्नाटक निवडणुकीवर एक नजर

राखीव मतदारसंघांचा तपशील : राखीव मतदारसंघांमध्ये, अनुसूचित जातीसाठी (SC), 15 अनुसूचित जमाती आणि 173 मतदारसंघ सर्वसाधारण प्रवर्गासाठी राखीव आहेत. रिंगणात सर्वात वयस्कर स्पर्धक 91 वर्षीय शामनूर शिवशंकरप्पा आहेत. ते काँग्रेसचे उमेदवार आहेत. सर्वात तरुण म्हणजेच 25 वर्षांचे 10 उमेदवार रिंगणात आहेत. सर्वाधिक उमेदवार असलेले मतदारसंघ विचारात घेता एकूण 16 मतदारसंघांमध्ये 16 पेक्षा जास्त उमेदवार रिंगणात आहेत. येथे दोन मतदान यंत्रांचा वापर केला जाणार आहे. ईव्हीएममध्ये उमेदवारांची जास्तीत जास्त 16 नावे आणि चिन्हे ठेवण्याची व्यवस्था असते. त्यापेक्षा जास्त असल्यास, प्रत्येक 16 उमेदवारांमागे एक अतिरिक्त मतदान यंत्र जोडावे लागते. बेल्लारी शहरात सर्वाधिक म्हणजे २४ जण रिंगणात आहेत. त्यानंतर बेंगळुरू ग्रामीण जिल्ह्यातील होस्कोटे येथे २३, चित्रदुर्गात २१, यालहंका येथे २०, चित्रदुर्गात २१, गंगावतीत १९ उमेदवार आहेत. हनूर, गौरीबिदानूर, राजाजीनगर, रायचूर, कोलार येथे 18 उमेदवार आहेत. बटारायणापूर, श्रीरंगपटना, कृष्णराजा, नरसिंहराजे मतदारसंघात 17 उमेदवार आहेत. चिकमंगळूर, हुबळी-धारवाड केंद्रावर 16 उमेदवार आहेत.

कर्नाटक निवडणुकीवर एक नजर

कमीत कमी उमेदवार असलेले मतदारसंघ : यमकनमराडी, देवदुर्गा, कापू, बांटवाला, तीर्थहल्ली, कुंदापुरा, मंगळूर या मतदारसंघात फक्त ५ उमेदवार रिंगणात आहेत. मतदान केंद्रांचा तपशील पाहता, राज्यातील 224 विधानसभा मतदारसंघात प्रति मतदान केंद्र सरासरी 883 मतदारांच्या हिशेबाने 58,282 मतदान केंद्रे उभारली आहेत. शहरी भागात 24,063 आणि ग्रामीण भागात 34,219 मतदान केंद्रे असतील. विशेषत: महिलांसाठी 1,320 सखी मतदान केंद्र, 224 युवा अधिकारी, 224 विशेष आव्हानात्मक आणि 240 मॉडेल मतदान केंद्रे उभारण्यात आली आहेत. 1200 सूक्ष्म मतदान केंद्रेही आहेत. 50% मतदान केंद्रांवर वेबकास्टिंगची सुविधा करण्यात आली आहे.

कर्नाटक निवडणुकीवर एक नजर

विभागनिहाय विधानसभा मतदारसंघ : बंगलोर विभागात 28, मध्य कर्नाटकात 55, किनारपट्टी कर्नाटकात 19, कल्याण कर्नाटकात 41, कित्तूर कर्नाटकात 50, जुने म्हैसूर कर्नाटकात 61 मतदारसंघ असणार आहेत. मतदानाच्या दिवशी कोणताही अनुचित प्रकार घडू नये यासाठी दीड लाख कर्मचारी सुरक्षेसाठी तैनात करण्यात आले आहेत. 464 निमलष्करी दल, 304 Dysp, 991 निरीक्षकांसह 84 हजार पोलिसांचा पहारा असेल. 185 सीमा तपासणी नाके उभारण्यात आले आहेत.

निवडणूक रिंगणात असलेले प्रमुख उमेदवार :भाजप-शिग्गमवीमधून बसवराज बोम्मई, शिकारीपूरमधून बी वाय विजयेंद्र, पद्मनाभनगर आणि कनकापूरमधून आर अशोक, वरुणा आणि चामराजनगरमधून मंत्री व्ही सोमन्ना, मल्लेश्वरममधून अस्वत्थ नारायण, गोकाकमधून रमेश जारकीहोली, तिपटुरेजमधून एन. बेल्लारी ग्रामीणमधून बी. श्रीरामुलू, मुडोलमधून गोविंद काराजोला, चिक्कमगलूरमधून सिटी रवी, चिक्कबल्लापूरमधून सुधाकर निवडणूक रिंगणात आहेत. काँग्रेस - काँग्रेसचे सिद्धरामय्या वरुणा मतदारसंघातून निवडणूक लढवत आहेत. कनकापूरमधून डीके शिवकुमार, बीटीएम लेआउटमधून रामलिंगारेड्डी, बाबलेश्‍वरमधून एम.बी. पाटील, यमकनामराडीमधून सतीश जारकीहोळी, बाल्कीमधून ईश्वर खांद्रे, हलियालामधून आर व्ही देशपांडे, कोरटागेरेमधून जी परमेश्वर, माजी केंद्रीय मंत्री के.एच. मुनिअप्पा, प्रियंनहळ्ळी मधून के.एच. खर्गे, हुबळी-धारवाड केंद्रातून जगदीश शेट्टर आणि अथणीतून लक्ष्मण सवदी रिंगणात आहेत. इतर प्रमुख उमेदवारांमध्ये चन्नापट्टणममधून माजी मुख्यमंत्री कुमारस्वामी, होले नरसीपूरमधून रेवन्ना, रामनगरातून निखिल कुमारस्वामी, चामुंडेश्वरीमधून जीटी देवेगौडा रिंगणात आहेत.

हेही वाचा -