Jubilee Hills Gang Rape: पीडितेच्या पालकांनी सोशल मीडियावरील व्हिडिओ हटवण्याची केली मागणी

हैदराबाद सामूहिक बलात्कार प्रकरणातील पीडितेचे व्हिडिओ सोशल मीडियावर व्हायरल झाले आहेत (Jubilee Hills Gang Rape). ते काढून टाकण्याची विनंती पालकांनी पोलिसांना केली आहे. हे प्रकरण सायबर पोलिसांकडे वर्ग करण्यात आले आहे.

हैदराबाद:जुबली हिल्स येथील बलात्काराच्या घटनेशी संबंधित फोटो आणि व्हिडिओ सोशल मीडियावर टाकण्यात आल्याची तक्रार (Jubilee Hills Gang Rape) अल्पवयीन मुलीच्या पालकांनी महिला सुरक्षा विभागाकडे केली आहे. तक्रारीत म्हटले आहे की, पाच जणांनी मुलीसोबत गैरवर्तन केल्याचे व्हिडीओ आणि तिच्या मानेवर झालेल्या जखमांचे फोटो इन्स्टाग्रामवर टाकले आहेत. ते हटवले पाहिजेत. त्यानंतर महिला सुरक्षा विभागाने हे प्रकरण हैदराबाद सायबर क्राइम पोलिसांकडे वर्ग केले (women's security department). सायबर क्राईम पोलिसांनी बाल न्याय कायद्यांतर्गत गुन्हा दाखल करून तपास सुरू केला आहे. इन्स्टा यूजर्सना मुलीचे सीन हटवण्यासाठी नोटीस देण्यात आली होती.

हैदराबादमध्ये यावर्षी 28 मे रोजी घडलेल्या बलात्काराच्या घटनेने खळबळ उडाली होती. यामध्ये सदुद्दीनसह अन्य चार अल्पवयीन मुलांनी मुलीवर सामूहिक बलात्कार केला होता. 2 जून रोजी अल्पवयीन मुलगी आणि आरोपीचे व्हिडिओ समोर आले होते. सायबर क्राईम पोलिसांनी हे व्हिडिओ फेसबुकवर अपलोड करणाऱ्या जुन्या शहरातील एका व्यक्तीला नोटीस बजावली आहे. पोलीस आयपी डिटेल्स गोळा करत आहेत. कारण ते इन्स्टाग्रामवर देखील अपलोड केले जात आहेत.