रांची (बिहार): राजधानीच्या नागडी पोलीस स्टेशन परिसरात असलेल्या आयआयएम संस्थेच्या वसतिगृहात शिवम पांडे नावाच्या विद्यार्थ्याचा मृतदेह सापडला आहे. शिवमचा मृतदेह फासावर लटकलेल्या अवस्थेत आढळून आला मात्र, त्याचे दोन्ही हात बांधलेले होते. या प्रकरणाची माहिती मिळताच पोलिसांचा ताफा घटनास्थळी दाखल झाला आहे. खून आणि आत्महत्या या दोन्ही मुद्द्यांवर या प्रकरणाचा तपास सुरू आहे. पोलीस वसतिगृहात लावण्यात आलेले सीसीटीव्ही फुटेजही तपासत आहेत. शिवम हा बनारस, उत्तर प्रदेशचा रहिवासी होता.
असे आहे संपूर्ण प्रकरण : इंडियन इन्स्टिट्यूट ऑफ मॅनेजमेंटचा विद्यार्थी शिवम पांडे याचा मृतदेह संस्थेच्या नयासराय येथील वसतिगृहाच्या खोलीतून सापडला आहे. शिवमचा मृतदेह त्याच्या खोलीतच फासाला लटकलेल्या अवस्थेत आढळून आला. उत्तर प्रदेशातील बनारस येथे राहणारा शिवम पांडे हा वसतिगृहातील ५०५ क्रमांकाच्या खोलीत एकटाच राहत होता. ज्या अवस्थेत शिवमचा मृतदेह सापडला तो संशयास्पद असून, त्याचे दोन्ही हात समोरून बांधलेले होते. या प्रकरणाची माहिती मिळताच पोलीस पथक घटनास्थळी पोहोचले आणि शिवमचा मृतदेह ताब्यात घेऊन पोस्टमॉर्टमसाठी रिम्समध्ये पाठवला.
प्रकरणाचा तपास सुरू: रांची ग्रामीणचे एसपी नौशाद आलम यांनी सांगितले की, हॉटेलच्या रूम नंबर ५०५ ची संपूर्ण चौकशी नागडी पोलिस स्टेशनच्या टीमने केली आहे. शिवमचे दोन्ही हात समोरून बांधलेले होते मात्र तपासादरम्यान त्याचे हात ज्या दोरीने बांधले होते त्यात गाठ नसल्याचे निष्पन्न झाले आहे. शिवमने आत्महत्या केल्याचे समजते आणि त्यापूर्वी त्याने स्वत: हातात दोरी गुंडाळली होती. मात्र, शवविच्छेदन अहवाल येईपर्यंत हे संपूर्ण प्रकरण संशयास्पद असल्याचे पोलिसांचे म्हणणे आहे.