इंदिरा गांधी राष्ट्रीय मुक्त विद्यापीठाने (Indira Gandhi National Open University) TEE डिसेंबर 2022 च्या परीक्षांसाठी तारीखपत्रक प्रसिद्ध (announced the December TEE exam date 2022) केले आहे. IGNOU ने www.ignou.ac.in या अधिकृत वेबसाइटवर तात्पुरते वेळापत्रक उपलब्ध करून दिले आहे. त्यानुसार ही परीक्षा २ डिसेंबरपासून सुरू होणार आहे. इग्नूने यासंदर्भात अधिकृत सूचनाही शेअर केली आहे. अधिकृत अधिसूचनेनुसार, इग्नूने तात्पुरते वेळापत्रक जाहीर केले आहे. डिसेंबर 2022 टर्म-एंड परीक्षेसाठी ऑनलाइन परीक्षा फॉर्म सबमिट करण्यासाठी पोर्टल योग्य वेळी उघडले जाईल.
अधिकृत वेळापत्रकानुसार, IGNOU टर्म एंड परीक्षा 2 डिसेंबरपासून सुरू होईल आणि 5 जानेवारी 2023 रोजी संपेल. परीक्षा दोन शिफ्टमध्ये घेतली जाईल. त्यानुसार पहिली शिफ्ट सकाळी 10 ते दुपारी 1, तर दुसरी शिफ्ट दुपारी 2 ते 5 या वेळेत होणार आहे. विद्यापीठाने उमेदवारांना तारीखपत्रकात काही विसंगती असल्यास कळवण्यास सांगितले आहे. आता अशा परिस्थितीत जर उमेदवारांना तारीखपत्रकात काही अडचण आहे, असे वाटत असेल तर ते datesheet@ignou.ac.in वर लिहू शकतात.