Asia Cup 2022 Team India : 15 सदस्यीय भारतीय संघ जाहीर; राहुल-विराटचे पुनरागमन, तर बुमराह बाहेर

आशिया कप 2022 ( Asia Cup 2022 ) साठी 15 सदस्यीय भारतीय क्रिकेट संघाची घोषणा करण्यात आली आहे. कर्णधार म्हणून रोहित शर्मा आणि उपकर्णधार म्हणून केएल राहुलकडे जबाबदारी सोपवण्यात आली आहे. वेस्ट इंडिज दौऱ्यावर विश्रांती घेतलेला विराट कोहली टीम इंडियात परतला आहे. त्याचवेळी स्टार गोलंदाज जसप्रीत बुमराह दुखापतीमुळे आशिया कपमधून बाहेर पडला आहे.

नवी दिल्ली:बीसीसीआयने सोमवारी यूएईत होणाऱ्या आशिया चषका 2022 ( Asia Cup 2022 ) साठी 15 सदस्यीय भारतीय संघाची घोषणा ( 15 member Indian team announced ) केली आहे. निवडलेल्या या संघात माजी कर्णधार विराट कोहलीसह उपकर्णधार केएल राहुलचे देखील संघात पुनरागमन झाले आहे. त्याबरोबर भारताचा स्टार गोलंदाज जसप्रीत बुमराहला दुखापतीमुळे विश्रांती देण्यात आली आहे. तसेच संघात काही युवा खेळाडूंना संघात स्थान देण्यात आले आहे. त्याचबरोबर संघाच्या नेतृत्वाची धुरा रोहित शर्माच्या खांद्यावर असणार आहे.

दीपक चहर स्टँडबाय -

दरम्यान, आशिया कप संघात मधल्या फळीतील फलंदाज श्रेयस अय्यर, अष्टपैलू अक्षर पटेल आणि वेगवान गोलंदाज दीपक चहर यांना स्टँडबाय म्हणून स्थान देण्यात आले आहे. पाठीच्या दुखापतीमुळे वेगवान गोलंदाज बुमराह ऑगस्ट-सप्टेंबरमध्ये होणाऱ्या आशिया कप स्पर्धेला मुकणार ( Jasprit Bumrah rested due to injury ) आहे. त्याच्याशिवाय वेगवान गोलंदाज हर्षल पटेललाही आशिया कप संघातून बाहेर ठेवण्यात आले आहे.

भारत सर्वाधिक वेळा चॅम्पियन -

भारतीय संघाने आतापर्यंत या स्पर्धेच्या 13 आवृत्त्यांमध्ये भाग घेतला आहे आणि सर्वाधिक वेळा चॅम्पियन ठरला ( India most times champions ) आहे. याशिवाय संघाने तीनवेळा अंतिम फेरी गाठली, पण पराभवाला सामोरे जावे लागले. श्रीलंका दुसऱ्या स्थानावर आहे. श्रीलंकेचा संघ पाच वेळा चॅम्पियन बनला असून सहा वेळा उपविजेता ठरला आहे. पाकिस्तान संघाने दोनदा हे विजेतेपद पटकावले आहे. टी-20 विश्वचषकाच्या पहिल्या सामन्यात पाकिस्तानविरुद्ध झालेल्या दारूण पराभवाचा बदला घेण्याची संधी टीम इंडियाला मिळाली आहे. 28 ऑगस्टला आशिया कपमध्ये भारतीय संघ पाकिस्तानशी भिडणार आहे.

पराभवाचा बदला घेण्याची भारताला संधी -

भारत आणि पाकिस्तान यांच्यातील शेवटचा सामना गेल्या वर्षी टी-20 विश्वचषकात झाला होता. बाबर आझमच्या नेतृत्वाखालील पाकिस्तान संघाने भारतावर 10 गडी राखून मात केली. विश्वचषक स्पर्धेच्या तयारीच्या दृष्टीने आशिया चषक महत्त्वाचा आहे. आशिया चषक स्पर्धेतील क्वालिफायर सामने 21 ऑगस्टपासून ( Qualifier matches from 21st August ) सुरू होणार आहेत. यामध्ये यूएई, ओमान, नेपाळ, हाँगकाँगसह इतर संघ उतरतील. यातील एक संघ मुख्य ड्रॉसाठी पात्र ठरेल. भारत, पाकिस्तान, श्रीलंका, अफगाणिस्तान आणि बांगलादेश यांना मुख्य ड्रॉमध्ये आधीच स्थान मिळाले आहे. 2018 मध्ये यूएईमध्ये शेवटच्या वेळी आशिया कपचे सामने झाले होते.

आशिया चषकाचे सामने टी-20 फॉरमॅटमध्ये -

यावेळी आशिया चषकाचे सामने टी-20 फॉरमॅटमध्ये ( Asia Cup matches in T20 format ) खेळवले जाणार आहेत. यापूर्वी तो एकदिवसीय स्वरूपात खेळला जात होता. 2016 मध्ये प्रथमच T20 फॉरमॅटमध्ये आयोजित करण्यात आले होते, जेव्हा टीम इंडियाने अंतिम फेरीत बांगलादेशचा 8 विकेट्सने पराभव केला होता. अशा परिस्थितीत टीम इंडियाचा येथे रेकॉर्ड चांगला आहे. त्याने अंतिम फेरीत बांगलादेशचा पराभव करून सातव्यांदा विजेतेपदावर कब्जा केला.

आशिया कपसाठी भारतीय संघ ( Indian squad for Asia Cup ): रोहित शर्मा, केएल राहुल, विराट कोहली, सूर्यकुमार यादव, ऋषभ पंत, दीपक हुडा, दिनेश कार्तिक, हार्दिक पंड्या, रवींद्र जडेजा, आर अश्विन, युझवेंद्र चहल, रवी बिश्नोई, भुवनेश्वर कुमार, अर्शदीप सिंग आणि आणि आवेश खान.

राखीव खेळाडू - श्रेयस अय्यर, दीपक चहर आणि अक्षर पटेल.

हेही वाचा -Hardik Pandya Statement : ''भारतीय संघाचे पूर्णवेळ कर्णधार पद मिळाले तर...''