Stock Market Growth In july : भारतीय शेअर बाजारात जुलैमध्ये सर्वाधिक वाढ, अन्य देशांच्या शेअर बाजारांना टाकले मागे

जुलै महिन्यात सेन्सेक्स आणि निफ्टीने भारतीय शेअर बाजारात ( Stock Market ) सर्वात वेगवान वाढ नोंदवली. ही वाढ जगभरातील सर्व प्रमुख बाजारपेठांपेक्षा अधिक आहे. वाचा संपूर्ण बातमी...

मुंबई : भारतीय शेअर बाजारात जुलै महिन्यात सेन्सेक्स आणि निफ्टीने सर्वात वेगवान वाढ ( Stock Market ) नोंदवली. जगभरातील सर्व प्रमुख बाजारपेठांमध्ये ही सर्वाधिक वाढ आहे. शुक्रवारी (२९ जुलै) ३० शेअर्सचा सेन्सेक्स ७१२.४६ अंकांनी म्हणजेच १.२५ टक्क्यांनी वाढून ५७,५७०.२५ अंकांवर बंद झाला. 25 एप्रिलनंतर सेन्सेक्सची ही सर्वोच्च पातळी आहे. सेन्सेक्सचा हा तीन महिन्यांतील उच्चांक आहे.

चीनचा बाजार घसरला - यापूर्वी, 28 एप्रिल 2022 रोजी सेन्सेक्स 57,521.06 वर बंद झाला होता. जुलैमध्ये सेन्सेक्स 4,551.31 अंकांनी (8.58 टक्के) आणि निफ्टी 1,378 अंकांनी (8.73 टक्के) वधारला होता. दुसरीकडे, चीनचा मुख्य शेअर बाजार शांघाय कंपोझिट या काळात 4.28 टक्क्यांनी घसरला. त्याचप्रमाणे हाँगकाँगचा बाजार हँग सेंगमध्येही 7.79 टक्क्यांनी घसरला आहे. इतर आशियाई बाजारांमध्ये दक्षिण कोरियाचा कॉस्पी वाढला, तर जपानचा निक्केई, चीनचा शांघाय कंपोझिट इंडेक्स आणि हाँगकाँगचा हँग सेंग घसरला.

भारतीय शेअर बाजारातील तेजीनेतज्ज्ञांचे लक्ष वेधून घेतले आहे. कारण विदेशी गुंतवणूकदार नफा गोळा करून गुंतवणूक सातत्याने कमी करत आहेत, तर देशांतर्गत गुंतवणूकदार सातत्याने गुंतवणूक वाढवून बाजारातील वाढ कायम ठेवत आहेत. हा कल आठ वर्षांपासून कायम असला तरी जिओजित फायनान्शियल सर्व्हिसेसचे संशोधन प्रमुख व्ही.के.विजय कुमार म्हणाले, "देशातील सर्वात सकारात्मक गोष्ट म्हणजे विदेशी संस्थात्मक गुंतवणूकदार बाजारात विक्री कमी करत आहेत आणि या महिन्यात आठ दिवसांपासून खरेदीही सुरू आहे. ते म्हणाले, वित्तीय क्षेत्राच्या कामगिरीचा बाजारावर सकारात्मक परिणाम झाला. पहिल्या तिमाहीचे आर्थिक निकाल या क्षेत्रातील चांगल्या शक्यता दर्शवत आहेत.

हेही वाचा -Arvind Sawant On ED Action : संजय राऊतांवरील ईडीची कारवाई सुडाची,भाजपशी जुळवून घेण्यासाठी दबाव - अरविंद सावंत