PM Modi Meeting With CMs : पंतप्रधान नरेंद्र मोदींनी घेतली सर्व राज्यांच्या मुख्यमंत्र्यांसोबत कोरोना आढावा बैठक

विविध राज्यातील तसेच देशातील कोरोना परिस्थितीचा आढावा घेण्यासाठी देशाचे पंतप्रधान नरेंद्र मोदींनी मुख्यमंत्र्यांसोबत (Narendra Modi Meeting with CM) आढावा बैठक घेतली. यावेळेस लहान मुलांना कोरोना लसीकरण देणे ( Vaccination coverage for children ) ही सर्वात जास्त गरज असल्याचेही मत त्यांनी व्यक्त केले.

दिल्ली :विविध राज्यातील तसेच देशातील कोरोना परिस्थितीचा आढावा घेण्यासाठी देशाचे पंतप्रधान नरेंद्र मोदींनी विविध राज्यांच्या मुख्यमंत्र्यांसोबत व्हिडिओ कॉन्फरन्सिंगद्वारे (Narendra Modi Meeting with State CMs) आढावा बैठक घेतली. यावेळेस त्यांनी लहान मुलांच्या लसीकरणाला प्राधान्य देणार असल्याचेही स्पष्ट केले. केंद्र आणि राज्यांमध्ये आर्थिक निर्णयात ताळमेळ गरजेचा आहे. आणि पेट्रोल डिझेलवरील वाढत्या किमती लक्षात घेऊन महाराष्ट्र, बंगाल केरळ या राज्यांनी राज्यांनी पेट्रोल डिझेलचे दर कमी करावे असेही सांगितले.

पंतप्रधान आणि पंतप्रधान कार्यालयातील वरिष्ठ अधिकाऱ्यांव्यतिरिक्त केंद्रीय गृहमंत्री अमित शहा, केंद्रीय आरोग्य मंत्री मनसुख मांडविया आणि त्यांच्या संबंधित मंत्रालयांचे अधिकारीही या बैठकीला उपस्थित होते. आरोग्य सचिव राजेश भूषण कोविडची सद्यस्थिती, लसीकरणाची व्याप्ती, विशेषत: बूस्टर ड्राईव्ह आणि काही राज्यांमधील प्रकरणांचा मार्ग याबाबत माहिती दिली.

याआधीही घेतल्या बैठका

याआधी कोरोनाबदद्ल परिस्थिती समजून घेण्यासाठी पंतप्रधान मोदींनी याआधी मुख्यमंत्र्यांशी आणि अगदी जिल्हा दंडाधिकार्‍यांशी अनेक बैठका घेतल्या आहेत. गेल्या 24 तासांत भारतात 2,483 नवीन कोविड-19 प्रकरणांची नोंद झाली आहे. सध्या केसलोड 15,636 आहे, तर सकारात्मकता दर 0.55 टक्के आहे. पंतप्रधान मोदींनी रविवारी मन की बात रेडिओ प्रसारणात लोकांना सणासुदीच्या काळात कोरोना संदर्भात सतर्क राहण्याचे आवाहन केले. कोरोनाचे नियम पाळण्याचा तसेच मास्क घालण्याचा सल्लाही त्यांना दिला.

हेही वाचा -PM Narendra Modi On Tour : पंतप्रधान नरेंद्र मोदी जाणार जर्मनी, डेन्मार्क आणि फ्रान्सच्या दौऱ्यावर, यावर्षीचा पहिलाच दौरा