नवी दिल्ली सलामीवीर केएल राहुलच्या नेतृत्वाखाली भारतीय क्रिकेट संघ 18 ऑगस्टपासून सुरू होणाऱ्या तीन सामन्यांच्या वनडे मालिकेसाठी शनिवारी सकाळी झिम्बाब्वेला रवाना Indian team leaves for Zimbabwe झाला. प्रसिद्ध कृष्णा, दीपक चहर, शिखर धवन, शार्दुल ठाकूर, मोहम्मद सिराज, रुतुराज गायकवाड आणि राहुल त्रिपाठी यांचे फोटो भारतीय क्रिकेट नियामक मंडळाच्या BCCI सोशल मीडिया अकाउंटवर पोस्ट करण्यात आले आहेत. एनसीएचे प्रमुख व्हीव्हीएस लक्ष्मण हे देखील फोटोत दिसले. झिम्बाब्वे दौऱ्यासाठी लक्ष्मणला मुख्य प्रशिक्षक बनवण्यात आले आहे.
टीम इंडिया 18, 20 आणि 22 ऑगस्ट रोजी हरारे स्पोर्ट्स क्लबमध्ये झिम्बाब्वेविरुद्ध तीन वनडे Zimbabwe vs India ODI Series खेळणार आहे. टीम इंडिया झिम्बाब्वेला रवाना झाल्याची माहिती बीसीसीआयकडून देण्यात आली. 11 ऑगस्ट रोजी संघात समाविष्ट झालेल्या राहुलकडे भारताचे कर्णधारपद असेल. शिखर धवनच्या जागी तो नेतृत्वाची जबाबदारी स्वीकारणार आहे.