तिरुवनंतपुरम:भारत आणि दक्षिण आफ्रिका संघात आज तीन सामन्यांच्या टी-20 मालिकेतील ( IND vs SA T20 Series ) पहिला टी-20 सामना ( IND vs SA 1st T20 ) खेळला जाणार आहे. ग्रीनफील्ड आंतरराष्ट्रीय स्टेडियम तिरुवनंतपुरम ( Greenfield International Stadium Thiruvananthapuram ) येथे खेळला जाणार आहे. या सामन्याला सातला सुरुवात होणार असून दोन्ही संघात नाणेफेक पार पडली आहे. भारतीय संघाने नाणेफेक जिंकून प्रथम गोलंदाजी करण्याचा निर्णय घेतला ( IND won the toss and choose bowl first ) आहे.
या सामन्यासाठी भारतीय संघाची धुरा पुन्हा एकदा रोहित शर्माच्या ( Captain Rohit Sharma ) खांद्यावर आहे. त्याचबरोबर दक्षिण आफ्रिका संघाचे नेतृत्व टेंबा बावुमाच्या ( Captain Temba Bavuma ) हाती आहे. दुसरीकडे, टी-20 मालिकेबद्दल बोलायचे तर, भारत आतापर्यंत दक्षिण आफ्रिकेला त्याच्या भूमीवर पराभूत करू शकला नाही. भारताने आत्तापर्यंत दक्षिण आफ्रिकेविरुद्ध घरच्या मैदानावर एकूण तीन टी-20 मालिका खेळल्या आहेत. ज्यामध्ये एक दक्षिण आफ्रिकेने जिंकली आणि दोन मालिका अनिर्णित राहिल्या. त्यामुळे या दृष्टीने भारताला चांगली संधी आहे.