मोहाली:भारत आणि ऑस्ट्रेलिया संघात आज तीन सामन्यांच्या टी-20 मालिकेतील ( IND vs AUS T20 Series ) पहिला टी-20 सामना ( IND vs AUS 1st T20 ) खेळला जाणार आहे. हा सामना मोहालीतील पीसीएच्या स्टेडियमवर खेळला जाणार आहे. या सामन्याल्या रात्री सातला सुरुवात होणार असून दोन्ही संघात नाणेफेक पार पडली आहे. ऑस्ट्रेलिया संघाने नाणेफेक जिंकून प्रथम गोलंदाजी करण्याचा निर्णय घेतला ( Australia won the toss and choose bowl first ) आहे.
पुनरागमन करणारा जसप्रीत बुमराह बाकावरच -
रोहित शर्माच्या नेतृत्वाखाली भारतीय संघ प्रथम फलंदाजीला जाणार आहे.रिषभ पंत आणि जसप्रीत बुमराह ( Jasprit Bumrah ) या संघाचा भाग नसल्याची बातमी भारतीय संघाकडून आली आहे. उमेश यादवला संधी मिळाली आहे, तर हर्षल पटेलनेही पुनरागमन केले आहे. फिरकीपटू म्हणून युझवेंद्र चहल आणि अक्षर पटेल यांना संधी देण्यात आली आहे. कर्णधार रोहितने नाणेफेक दरम्यान सांगितले की, बुमराह या सामन्यात खेळत नाही, परंतु पुढील दोन सामने खेळेल.