NewsToday : या घडामोडींवर असणार आज खास नजर..

NewsToday : या घडामोडींवर असणार आज खास नजर..

• कोल्हापुरात स्वाभिमानीचा रास्ता रोको..
  

  कोल्हापुरात स्वाभिमानीचा रास्ता रोको..

कोल्हापुरात स्वाभिमानी शेतकरी संघटना रास्ता रोको आंदोलन करणार आहे. वीजबिलप्रश्नी आक्रमक होत संघटनेने याबाबतची घोषणा केली. पुणे-बंगळुरू महामार्गावर हा रास्ता रोको करण्यात येईल.

• अमित गोरखेंची पत्रकार परिषद..
  

  अमित गोरखेंची पत्रकार परिषद..

अण्णाभाऊ साठे आर्थिक विकास महामंडळाचे माजी अध्यक्ष अमित गोरखे हे आज पत्रकार परिषद घेतील. महामंडळामध्ये होणाऱ्या गैरकारभाराबाबत माहिती देण्यासाठी ही पत्रकार परिषद बोलावण्यात आली आहे.

• मराठा आरक्षणाबाबत राज्य सरकार मांडणार आपली भूमिका..
  

  मराठा आरक्षणाबाबत राज्य सरकार मांडणार आपली भूमिका..

मराठा आरक्षणाबाबत आपली भूमिका मांडण्यासाठी सर्वोच्च न्यायालयाने राज्यांना एक आठवड्याची मुदत दिली होती. राज्य सरकार आजपासून आपली भूमिका न्यायालयात मांडेल. सर्व राज्यांनी आपली भूमिका मांडल्यानंतर हे प्रकरण ११ न्यायमूर्तींकडे पाठवावे की नाही याबाबत न्यायालय निर्णय घेणार आहे.

• राष्ट्रीय स्वयंसेवक संघाची वार्षिक परिषद आजपासून बंगळुरूमध्ये..
  

  राष्ट्रीय स्वयंसेवक संघाची वार्षिक परिषद आजपासून बंगळुरूमध्ये..

बंगळुरूमध्ये आजपासून राष्ट्रीय स्वयंसेवक संघाची वार्षिक परिषद सुरू होत आहे. या परिषदेत संघाचे सर्व वरिष्ठ नेते उपस्थित असणार आहेत. या दोन दिवसीय परिषदेमध्ये संघाच्या नव्या सरचिटणीसांची निवडही करण्यात येणार असल्याचे म्हटले जात आहे.

• राहुल गांधी आजपासून आसाम दौऱ्यावर..
  

  राहुल गांधी आजपासून आसाम दौऱ्यावर..

काँग्रेस नेते राहुल गांधी आजपासून आसाम दौऱ्यावर असणार आहेत. येत्या विधानसभा निवडणुकांसाठी ते पक्षाचा प्रचार करतील. आज ते लाहोअल, दिब्रुगढ येथील विद्यार्थ्यांशी संवाद साधतील. तसेच, पुढे ते चहाच्या मळ्यांनाही भेट देतील.

• अमेरिकेचे संरक्षण सचिव भारत दौऱ्यावर..
  

  अमेरिकेचे संरक्षण सचिव भारत दौऱ्यावर..

अमेरिकेचे संरक्षण सचिव लॉय्ड ऑस्टिन हे आजपासून भारत दौऱ्यावर असणार आहेत. दिल्लीमध्ये ते संरक्षणमंत्री राजनाथ सिंह यांच्यासोबत चर्चा करतील. ते तीन दिवस भारतात असणार आहेत.