नवी दिल्ली: Covid Outbreak Alert by IMA: अनेक देशांमध्ये अचानक कोविड-19 च्या वाढत्या प्रादुर्भावाने हाहाकार माजवला असतानाच, इंडियन मेडिकल असोसिएशन (IMA) ने गुरुवारी भारतात व्हायरसच्या येऊ घातलेल्या उद्रेकाबाबत इशारा जारी IMA issues alert केला. alert to avoid impending Covid outbreak
विविध देशांमध्ये कोविड -19 प्रकरणांमध्ये अचानक वाढ होत असताना, इंडियन मेडिकल असोसिएशन सर्वांना सतर्क करत असून, जनतेने त्वरित प्रभावाने कोविड णियांचे पालन करण्याचे आवाहन आयएमएचे सरचिटणीस डॉ जयेश लेले यांनी ईटीव्हीशी संभाषणात केले. ते म्हणाले की, गेल्या 24 तासांत भारतात 145 नवीन प्रकरणे नोंदली गेली आहेत, त्यापैकी चार प्रकरणे ही नवीन चीन प्रकार BF.7 आहेत. उपलब्ध अहवालांनुसार, यूएसए, जपान, दक्षिण कोरिया, फ्रान्स आणि ब्राझीलमधून गेल्या 24 तासांत जवळपास 5.37 लाख नवीन प्रकरणे नोंदवली गेली असल्याचेही ते म्हणाले.
ते म्हणाले, "आम्ही सरकारला आवाहन करतो की 2021 मध्ये दिसल्याप्रमाणे कोणत्याही परिस्थितीसाठी सज्जता वाढवावी आणि संबंधित मंत्रालये आणि विभागांना आपत्कालीन औषध, ऑक्सिजन पुरवठा आणि रुग्णवाहिका पुरवठा उपलब्ध करून देण्याच्या सूचना जारी करावी." IMA ने आधीच त्यांच्या राज्य आणि स्थानिक शाखांना त्यांच्या भागात कोविडचा उद्रेक झाल्यास आवश्यक पूर्वतयारी पावले उचलण्यासाठी सरकारकडे मागणी केलेली आहे.
सध्या भारतातील परिस्थिती चिंताजनक नाही, असे प्रतिपादन करून डॉ. लेले म्हणाले की, देशभरातील 3.5 लाखांहून अधिक वैद्यकीय व्यावसायिकांसह IMA या भयंकर रोगाशी लढण्यासाठी कटिबद्ध आहे. IMA ने विषाणूचा प्रसार रोखण्यासाठी आठ मुद्द्यांचा सल्लाही जारी केला ज्यामध्ये सार्वजनिक ठिकाणी फेस मास्क, सामाजिक अंतर, नियमित हात धुणे, सार्वजनिक मेळावे टाळणे, आंतरराष्ट्रीय प्रवास टाळणे, ILI झाल्यास डॉक्टरांचा सल्ला घेणे, सावधगिरीचे डोस घेणे आणि सरकारचे पालन करणे या बाबी समाविष्ट आहेत.
