पुद्दुचेरी: भारतात डेंग्यू आणि चिकुनगुनियाचा प्रादुर्भाव कमी झालेला नाही. दरवर्षी पावसाळ्यात दोन्ही आजारांचा प्रादुर्भाव मोठ्या प्रमाणावर होतो. आता मात्र या दोन्ही आजारांवर नियंत्रण ठेवण्यासाठी डासांचे नवीन प्रकार विकसित करण्यात आले आहेत. या डासांमुळे डेंग्यू आणि चिकुनगुनिया मारणाऱ्या अळ्या निर्माण होतात.
आयसीएमआरचे संशोधन - मिळालेल्या माहितीनुसार, इंडियन कौन्सिल ऑफ मेडिकल रिसर्च (ICMR) च्या वेक्टर कंट्रोल रिसर्च सेंटर (VCRC) ने विशेष मादी डास ICMR DEVELOPS SPECIAL MOSQUITOES विकसित केले आहेत. या माद्या, नर डासांसोबत मिळून अशा अळ्यांना जन्म देतील, ज्यामुळे डेंग्यू-चिकुनगुनिया नाहीसा होईल. कारण त्यांच्यात या आजारांचे विषाणू नसतील. जेव्हा विषाणू नसतात, तेव्हा त्यांच्या चाव्याव्दारे मानवाला संसर्ग होणार नाही.
एडिस इजिप्तीच्या दोन नव्या प्रजाती - पुडुचेरीमधील ICMR-VCRC ने एडिस इजिप्तीच्या दोन प्रजाती (Aedes aegypti) विकसित केल्या आहेत. त्यांच्यामध्ये wAIbB आणि Wolbachia स्ट्रेन सोडण्यात आले. आता या डासांचे नाव एडीस इजिप्ती (PUD) आहे. या डासांमुळे डेंग्यू आणि चिकुनगुनियाचा विषाणूजन्य संसर्ग पसरणार नाही. गेल्या चार वर्षांपासून व्हीसीआरसीमध्ये यावर काम करण्यात आले. जेणेकरून त्यांना वोल्बॅचिया डासांची उत्पत्ती होऊ शकेल.