नवी दिल्ली : उत्तर प्रदेशचे मुख्यमंत्री योगी आदित्यनाथ यांनी भगवा पोशाख परिधान करणे बंद करावे, असे काँग्रेस नेते हुसेन दलवाई यांनी म्हटले. (Husain Dalwai comment on yogi adityanath). त्यांच्या या वक्तव्यावर आता भाजपकडून जोरदार टीका होते आहे. दलवाई म्हणाले होते की, "आदित्यनाथ यांना त्यांच्या राज्यात व्यवसायिकांना आकर्षित करायचे असेल तर त्यांनी आधुनिक कपडे घालायला हवे". (Yogi adityanath saffron controversy) (congress leaders on yogi adityanath)
काँग्रेसला भगव्याचा इतका द्वेष का? : या वक्तव्यावरून भाजपचे राम कदम यांनी दलवाई यांना फटकारले आहे. ते म्हणाले, "हिंदू धर्माचा पवित्र रंग असलेल्या भगव्या रंगाबद्दल काँग्रेस नेते आणि त्यांच्या पक्षाला इतका द्वेष का आहे? भगवा हा केवळ आपल्या ध्वजाचा आणि आपल्या ऋषी-मुनींच्या पोशाखाचा रंग नाही तर तो त्याग, सेवा, ज्ञान, पवित्रता आणि अध्यात्माचे प्रतीक आहे", असे कदम यांनी दलवाई यांचा व्हिडिओ शेअर करत ट्विटमध्ये म्हटले आहे. दलवाई यांचे वक्तव्य म्हणजे भगव्या वेशभूषेतील देशाच्या संत आणि संतांचा अपमान असल्याचेही कदम म्हणाले.
प्रियंका गांधी यांनीही केले होते भाष्य : 2019 मध्ये काँग्रेस सरचिटणीस प्रियंका गांधी यांनीही योगी आदित्यनाथ यांच्या भगव्या कपड्यांवर भाष्य केले होते. "ते योगींचा पोशाख परिधान करतात. ते भगवे कपडे घालतात. मात्र हा भगवा केवळ तुमचा नाही, तो हिंदुस्थानच्या धार्मिक आणि आध्यात्मिक परंपरेचा देखील आहे. हे हिंदू धर्माचे प्रतीक आहे. तो धर्म स्वीकारा. त्या धर्मात राग, हिंसा आणि बदला यांना स्थान नाही", असे त्या म्हणाल्या होत्या.
सार्वजनिक सेवेसाठी भगवे वस्त्र घातले : त्यावर प्रत्युत्तर देताना मुख्यमंत्र्यांच्या कार्यालयाने म्हटले की, त्यांनी सर्वस्वाचा त्याग करून सार्वजनिक सेवेसाठी भगवे वस्त्र घातले आहे. "बाकी सर्व काही त्याग केल्यानंतर मुख्यमंत्री योगी आदित्यनाथ यांनी सार्वजनिक सेवेसाठी भगवा परिधान केला आहे. ते केवळ भगवा परिधानच करत नाही, तर त्याचे प्रतिनिधित्वही करतात. भगव्या रंगाचा पोशाख हा लोककल्याणासाठी आणि राष्ट्रनिर्मितीसाठी आहे. योगीजी त्या मार्गावरील प्रवासी आहेत," असे मुख्यमंत्र्यांनी त्यांच्या ट्विटर हँडलवरून म्हटले होते. "ज्यांना वारशाने राजकारण मिळाले आणि ज्यांनी देशाकडे दुर्लक्ष करून केवळ तुष्टीकरणाचे राजकारण केले, त्यांना जनसेवेचा अर्थ कसा समजणार", असे देखील ते म्हणाले होते.
