हैदराबाद : हिंदी भाषेचे महत्त्व आणि तिच्या समृद्ध वारशाबद्दल जागरूकता निर्माण करण्यासाठी भारतात दरवर्षी 14 सप्टेंबर रोजी 'हिंदी दिवस' 2023 साजरा केला जातो. 14 सप्टेंबर रोजी हिंदी दिवस साजरा केला जातो. कारण या दिवशी 1949 मध्ये संविधान सभेने हिंदी ही अधिकृत भाषा म्हणून स्वीकारली होती. हा दिवस हिंदी ही आंतरराष्ट्रीय भाषा म्हणून जगभर जनजागृती करण्याचा आणि देशातील अधिकृत भाषांपैकी एक म्हणून हिंदीचा स्वीकार करण्याचा दिवस आहे. याशिवाय याच दिवस इतिहासकार, भाषाशास्त्रज्ञ आणि धर्मशास्त्रज्ञ राजेंद्र सिम्हा यांची जयंती आहे. ज्यांनी हिंदी भाषेला देशाची अधिकृत भाषा म्हणून विकसित करण्यात मोठं योगदान दिलं. हिंदी दिवस केवळ भाषेबद्दल जागरूकता पसरवत नाही तर तिच्या सौंदर्याचं कौतुक करण्याची संधीसुद्धा मिळवून देतो.
'हिंदी दिवसा'चा इतिहास : 'हिंदी दिवस' पहिल्यांदा 14 सप्टेंबर 1949 रोजी साजरा करण्यात आला. या दिवशी भारताच्या संविधान सभेनं हिंदीला भारताच्या अधिकृत भाषांपैकी एक म्हणून स्वीकारलं. मँडरीन आणि इंग्रजी नंतर हिंदी ही जागतिक स्तरावर तिसरी सर्वाधिक बोलली जाणारी भाषा आहे. 2011 च्या जनगणनेनुसार, ही भाषा बोलणाऱ्या लोकांची संख्या सुमारे 43.6 टक्के आहे. हिंदी शब्द 'हिंद' या पर्शियन शब्दापासून आला आहे, ज्याचा अर्थ 'सिंधूची भूमी' आहे. हिंदी भाषा ही भारताची आणि नेपाळ, फिजीसारख्या देशांची वारसा मानली जाते. टोबॅगो, गयाना, मॉरिशस, त्रिनिदाद आणि सुरीनाम येथे मोठ्या संख्येनं हिंदी भाषिक आहेत.