Hero MotoCorp Shares Dip : हिरो मोटोकॉर्पचे शेअर्स 4 टक्क्यांनी घसरले - IT रिपोर्ट

आयकर विभागाने कथित करचुकवेगिरी प्रकरणी हिरो मोटोकॉर्प कंपनीचे अध्यक्ष आणि एमडी पवन मुंजाल यांच्यासह कंपनीच्या वरिष्ठ व्यवस्थापनाशी संबंधित अनेक परिसरांवर छापे ( Income Tax Department raid ) टाकले आहेत. त्यांच्यावर टाकलेल्या छाप्यानंतर देशातील सर्वात मोठी दुचाकी निर्माता Hero MotoCorp च्या शेअरची किंमत बुधवारी जवळपास 4 टक्क्यांनी घसरली.

मुंबई - आयकर विभागाने कथित करचुकवेगिरी प्रकरणी Hero MotoCorp कंपनीचे अध्यक्ष आणि एमडी पवन मुंजाल यांच्यासह कंपनीच्या वरिष्ठ व्यवस्थापनाशी संबंधित अनेक परिसरांवर छापे टाकले आहेत. त्यांच्यावर टाकलेल्या छाप्यानंतर देशातील सर्वात मोठी दुचाकी निर्माता Hero MotoCorp च्या शेअरची किंमत बुधवारी जवळपास 4 टक्क्यांनी घसरली. Hero MotoCorp Limited च्या समभागात व्यवहाराची सुरुवात सकारात्मक नोटवर रु. 2433.05 वर झाली, जो आदल्या दिवशीच्या रु. 2421.30 वर बंद झाला.

स्टॉकमध्ये घसरण - तथापि, आयटीच्या छाप्यांचे वृत्त समोर आल्यानंतर कंपनीच्या स्टॉकमध्ये झपाट्याने घट ( Hero MotoCorp Ltd Share ) झाली. सकाळच्या सत्रात, शेअर 2328.85 रुपयांच्या नीचांकी पातळीवर आला, जो मागील दिवसाच्या बंद किमतीपेक्षा 3.81 टक्के कमी आहे. स्टॉकने नंतर दिवसभरात तोटा भरून काढला. दुपारी 13.12 वाजता तो 1.62 टक्क्यांनी घसरून 2382.10 रुपयांवर व्यवहार करत होता. अधिकृत सूत्रांनी दिलेल्या माहितीनुसार, आयकर विभागाने बुधवारी सकाळी दिल्ली, गुरुग्राम आणि उत्तर भारतातील इतर भागांमध्ये दुचाकी कंपनीच्या उच्च व्यवस्थापनाशी संबंधित अनेक ठिकाणी छापा अद्याप सुरू आहे. छापे सुरू असून गुरुवारपर्यंत सुरू राहू शकतात, असे सांगितले जात आहे.

हेही वाचा -Nandkishor Chaturvedi: नंदकिशोर चतुर्वेदी भारतातून पसार, ईडीकडून शोध सुरू