चमोली (उत्तराखंड) : उत्तराखंडच्या हवामानात आता बदल झाला आहे. पाऊस आणि बर्फवृष्टीमुळे राज्याला दिलासा मिळाला आहे. कारण मागील वर्षांच्या तुलनेत यावेळी कमी पाऊस आणि बर्फवृष्टी झाली आहे. जगप्रसिद्ध पर्यटन स्थळ आणि स्नो स्पोर्ट्स सेंटर असलेल्या औली येथे गेल्या काही दिवसांपासून पाऊस आणि बर्फवृष्टी सुरू आहे. ही बर्फवृष्टी आगामी राष्ट्रीय स्कीइंग चॅम्पियनशिपसाठी दिलासा देणारी आहे.
औलीमध्ये 1 फुटांपेक्षा जास्त बर्फ साचला : या वर्षी औलीमधील पर्यटन व्यवसाय आपत्तीमुळे ठप्प झाला असला तरी स्कीइंग आणि इंडियन इन्स्टिट्यूट ऑफ माउंटेनियरिंग व स्कीइंगचे हिमवीर यांनी आंतरराष्ट्रीय स्कीइंग स्पर्धेसाठी बरीच मेहनत घेतली आहे. दरवर्षी बर्फवृष्टीदरम्यान औली पर्यटकांनी गजबजून जात असे. यंदा बर्फवृष्टी होऊनही पर्यटकांची म्हणावी तेवढी गजबज दिसली नाही. नाममात्र पर्यटक औली येथे पोहोचत आहेत. औलीमध्ये 1 फुटांपेक्षा जास्त बर्फ साचला आहे. यावेळी राज्यातील लोक जोशीमठ दुर्घटनेने दुखावले असले तरी प्रशासन आणि स्थानिक लोक स्कीइंग चॅम्पियनशिपच्या तयारीत व्यस्त आहेत.
विविध हिवाळी स्पर्धांचे आयोजन : हिवाळी खेळांमध्ये, स्लॅलम आणि जायंट स्लॅलममधील फिश रेस आणि अल्पाइन स्कीइंग, स्नो बोर्ड आणि इतर वयोगटातील कनिष्ठ, वरिष्ठ स्पर्धा यासह स्पर्धा आयोजित केल्या जातील. सुरक्षित औलीचा संदेश देण्याबरोबरच हिवाळी खेळांचे आयोजन चारधाम यात्रा आणि पर्यटनाच्या दृष्टीने अत्यंत महत्त्वाचे मानले जाते. त्याचबरोबर स्पर्धेमुळे पर्यटनातही वाढ होण्याची अपेक्षा आहे. मात्र दुसरीकडे जोशीमठ दुर्घटनेमुळे नागरिकांमध्ये भीतीचे वातावरण आहे. औली येथे 23 ते 26 फेब्रुवारी दरम्यान राष्ट्रीय वरिष्ठ आणि ज्युनियर अल्पाइन स्की आणि स्नोबोर्ड चॅम्पियनशिपची तारीख जाहीर करण्यात आली आहे. यापूर्वी ही स्पर्धा २ फेब्रुवारी ते ८ फेब्रुवारी या कालावधीत होणार होती. मात्र जोशीमठ वाद आणि पुरेशा बर्फवृष्टीअभावी खेळांची तारीख वाढवण्यात आली.
'खेलो इंडिया' हिवाळी खेळ सुरु : जम्मू-काश्मीरमधील बारामुल्ला जिल्ह्यातील गुलमर्ग येथे शुक्रवारपासून 'खेलो इंडिया' हिवाळी खेळ सुरू झाले. यावेळी केंद्रीय क्रीडा मंत्री अनुराग ठाकूर आणि लेफ्टनंट गव्हर्नर मनोज सिन्हा उपस्थित होते. 'खेलो इंडिया' हिवाळी खेळांची ही तिसरी आवृत्ती आहे. 2020 मध्ये प्रथम या खेळांचे आयोजन करण्यात आले होते. या स्पर्धेत जम्मू आणि काश्मीर आतापर्यंत अव्वल राहिला आहे. पाच दिवसीय 'खेलो इंडिया'मध्ये देशभरातील 1,500 हून अधिक खेळाडू स्नो शू रेस, आइस स्केटिंग, आइस हॉकी, स्कीइंग, स्नो बोर्डिंग अशा 11 वेगवेगळ्या क्रीडा स्पर्धांमध्ये सहभागी होणार आहेत.
हेही वाचा :Rishabh Pant Love Story : अपघातानंतर ईशानेच घेतली पंतची काळजी, जाणून घ्या कोण आहे ऋषभ पंतची ड्रीम गर्ल!
