चंदीगढ- हरयाणाचे गृह आणि आरोग्य मंत्री अनिल वीज यांना कोरोनाची लागण झाली असून त्यांची प्रकृती गंभीर असल्याची माहिती मिळत आहे. कोरोनाचा विषाणू फुफुसात पोहचल्याने त्यांच्या छातीत संसर्ग वाढला आहे. त्यामुळे त्यांना गुरुग्राम येथील मेदांता रुग्णालयात हलविण्यात आले आहे.
अनिल वीज यांना कोरोनाची लागण
मागील काही दिवसांपूर्वी त्यांना कोरोनाची लागण झाली आहे. त्यानंतर अंबाला येथील सिव्हील रुग्णालयात ते उपचार घेत होते. मात्र, जास्त त्रास होत असल्याने त्यांना पुढील उपचारासाठी दुसऱ्या रुग्णालयात हलविण्यात निर्णय घेण्यात आला होता. मेदांता रुग्णालयात तज्ज्ञ डॉक्टरांच्या निगराणीखाली त्यांच्यावर उपचार आता सुरू आहेत.