सिंघू सिमेवर तरुणाचा हात तोडला, पोलिसांच्या बॅरिकेड्सला अडकवला, निहंग शिखाला अटक

पोलिसांनी सर्वजीत सिंग याला अटक केली आहे. त्याला सात दिवसांची पोलीस कोठडी सुनावली आहे. या प्रकरणी तपास सुरू आहे.

नवी दिल्ली- हरियाणाच्या सिंघू सीमेवर तरुणाच्या हत्या प्रकरणात हरियाणा पोलिसांनी एकाला अटक केली आहे. या तरुणाचा हात कापून बॅरिकेड्सला लटकविला होता.

शेतकऱ्यांचे सिंघू सीमेवर अनेक महिन्यांपासून आंदोलन सुरू आहे. अचानक सीमेवर लावण्यात आलेल्या बॅरिकेड्सवर 35 वर्षाच्या तरुणाची शुक्रवारी हत्या करण्यात आली होती. या प्रकरणी पोलिसांनी गुन्हा दाखल केला आहे. पोलिसांनी सर्वजीत सिंग याला अटक केली आहे. त्याला सात दिवसांची पोलीस कोठडी सुनावली आहे.

हेही वाचा-CWC बैठकीत G-23 नेत्यांना सोनिया गांधीचे उत्तर...'मी काँग्रेसची पूर्णवेळ अध्यक्ष'

हत्येपूर्वी तरुणाला बेदम मारहाण करण्यात आली. हत्येनंतर त्याचे हात कापण्यात आल्याचीही माहिती आहे. मृतदेहाची ओळख पटलेली नाही. मृत तरुणावर गुरु ग्रंथ साहिबची विटंबना केल्याचा आरोप आहे. धरणे स्थळी उपस्थित असलेल्या निहंगांनी ही घटना घडवून आणल्याचा संशय व्यक्त केला जात आहे.

हेही वाचा-'मोदींना सांगणार, लोक तुम्हाला शिव्या देतात' - खासदार संजय राऊत

पुढल्या महिन्यात शेतकरी आंदोलनाला एक वर्ष -

दिल्ली-हरियाणाच्या विविध सीमांवर, 40 शेतकरी संघटनांच्या संयुक्त किसान मोर्चाच्या नेतृत्वाखाली, केंद्र सरकारच्या तीन नवीन कृषी कायद्यांच्या विरोधात निदर्शने सुरू आहेत. काही दिवसात या आंदोलनाला एक वर्ष पूर्ण करेल. सरकार आणि शेतकरी संघटनांमध्ये चर्चेच्या अनेक फेऱ्याही झाल्या. पण आतापर्यंत कोणताही ठोस निकाल लागला नाही.

हेही वाचा-राहुल गांधींना कशाची भीती वाटते? प्रशांत किशोर यांनी 'हे' दिले उत्तर