अहमदाबाद : टोकियो ऑलिम्पिकमध्ये भारताचे सुवर्णस्वप्न सत्यात साकारणाऱ्या गोल्डन बॉय नीरज चोप्रावर बक्षिसांचा वर्षाव होतोच आहे. याशिवाय या यशाचा आनंद देशातील नागरिक वेगवेगळ्या पद्धतीने साजरा करताना दिसत आहेत. नीरजच्या यशाचे कौतुक करताना गुजरातमधील काही पेट्रोल पंप चालकांनी नीरज नाव असलेल्या ग्राहकांना मोफत पेट्रोल देण्याची घोषणा केली आहे. तर गिरनार रोपवेची राईडही नीरज नाव असलेल्यांना मोफत मिळणार आहे. याशिवाय कर्नाटकमधील एका रेस्टॉरंटनेही नीरज नाव असलेल्यांना मोफत जेवण देण्याची घोषणा केली आहे.
नीरज नाव असलेल्यांना मोफत पेट्रोल
भरूचमधील नेत्रांगमधील एका पेट्रोल पंप चालकाने नीरज नाव असलेल्या ग्राहकांना 501 रुपयांचे पेट्रोल मोफत देण्याची घोषणा केली आहे. त्यासंबंधीचा बोर्डही या पेट्रोल पंपावर लावण्यात आला आहे. नीरज नाव असल्याचे ओळखपत्र दाखवायचे आणि 501 रुपयांचे पेट्रोल अगदी मोफत घेऊन जायचे अशी ही योजना आहे. मात्र आता या योजनेचा लाभ घेता येणार नाही. कारण 9 ऑगस्ट रोजी सायंकाळी पाच वाजेपर्यंत ही योजना सुरू होती.
फ्री रोपवे राईड