Exit polls: गुजरात विधानसभा निवडणुकीत पुन्हा भाजप की काँग्रेसला पसंती? वाचा एक्झिट पोल

गुजरात विधानसभा निवडणुकीचा दुसरा टप्पा पूर्ण होताच एक्झिट पोलचे निकाल समोर आले आहेत. (Gujarat Assembly Election Exit Poll) यामध्ये पुन्हा एकादा भाजपचे सरकार येईल असे अंदाज वर्तवले आहेत.

नवी दिल्ली गुजरात विधानसभा निवडणुकीचा दुसरा टप्पा पूर्ण होत असतानाच एक्झिट पोलचे निकाल समोर आले आहेत. बहुतांश सर्वेक्षणे गुजरातमध्ये भाजपला मोठ्या प्रमाणात यश मिळेल अशी शक्यता वर्तवण्यात आली आहे. 182 जागांच्या गुजरात विधानसभेच्या निवडणुकीत पी मार्क-रिपब्लिकने भाजपला प्रचंड बहुमत मिळाल्याचे दाखवले आहे. सर्वेक्षणानुसार भाजपला 128 ते 148 जागा मिळण्याची शक्यता वर्तवण्यात आली आहे. काँग्रेसला 30 ते 42 आणि आपला 2 ते 10 जागा मिळण्याची शक्यता वर्तवण्यात आली आहे.

८ डिसेंबरला निकाल - गुजरात विधानसभा निवडणुकीच्या (Gujarat Assembly Election) दुसऱ्या आणि अंतिम टप्प्यासाठी 93 जागांवर मतदान पूर्ण झाले. सायंकाळी ५ वाजेपर्यंत ६२ टक्के मतदान झाले आहे. साबरकांठा येथे सर्वाधिक ६८ टक्के मतदान झाले आहे. दाहोदमध्ये 57%, बनासकांठामध्ये 66%, पाटणमध्ये 61%, मेहसाणामध्ये 62%, अरवलीमध्ये 65%, गांधीनगरमध्ये 63%, अहमदाबादमध्ये 55%, आणंदमध्ये 64%, खेडामध्ये 64%, सुमारे 59% महिसागरमध्ये 64 टक्के, पंचमहालमध्ये सुमारे 60 टक्के, वडोदरामध्ये सुमारे 60 टक्के, छोटा उदयपूरमध्ये सुमारे 65 टक्के. ८ डिसेंबरला निवडणुकीचा निकाल लागणार आहे.

	भाजपा	कांग्रेस	आप	इतर
पी मार्क-रिपब्लिक	128-148	30-42	2-10	0-3
ईटीजी टाइम्स नाउ	131	41	6	4
जन की बात	117-140	34-51	6-13	0
एक्सिस माय इंडिया इंडिया टुडे	131-151	16-30	9-21	0
टीवी9	125-130	40-50	3-5	3-7
सी वोटर- एबीपी	128-140	31-43	3-11	2-6

-----------------

पी मार्क-रिपब्लिकच्या सर्वेक्षणानुसार, मतांच्या टक्केवारीनुसार भाजपला एकूण मतांपैकी 48.2 टक्के मते मिळत आहेत. काँग्रेसला 32.6 टक्के, आम आदमी पार्टीला 15.4 टक्के आणि इतरांना 3.8 टक्के मते मिळण्याची शक्यता आहे.

रिपब्लिक एक्झिट - पी मार्क-रिपब्लिक एक्झिट पोल डेटा गुजरातमधील सर्व 4 मतदारसंघांमध्ये भाजपला महत्त्वपूर्ण आघाडी देतो. भगवा पक्ष उत्तर गुजरात, मध्य गुजरात आणि दक्षिण गुजरातमध्ये आपले वर्चस्व कायम ठेवण्याची शक्यता असताना, सौराष्ट्र-कच्छमध्ये त्यांना मोठा फायदा होण्याची अपेक्षा आहे, जिथे पाटीदार आंदोलनामुळे काँग्रेसने गेल्या वेळी जास्त जागा जिंकल्या होत्या. एक्झिट पोलनुसार, काँग्रेस मध्य गुजरातमध्ये आपल्या कामगिरीची पुनरावृत्ती करण्याच्या तयारीत आहे, परंतु उर्वरित क्षेत्रांमध्ये त्यांचे मोठे नुकसान होत आहे. दरम्यान, 'आप'ला सौराष्ट्र-कच्छ आणि दक्षिण गुजरातमधून सर्वाधिक जागा मिळण्याचा अंदाज आहे.

TV9 च्या एक्झिट पोलने सोमवारी गुजरात विधानसभा निवडणुकीत भारतीय जनता पक्षाला (BJP) 125-130 जागांसह विजयाचा अंदाज वर्तवला आहे, तर काँग्रेसला 30-40 जागा मिळतील असा अंदाज आहे. दरम्यान, आम आदमी पार्टी (आप) 3-5 जागा आणि इतर 3-7 जागा जिंकण्याचा अंदाज आहे. जन की बात ने गुजरात विधानसभा निवडणुकीत 117 ते 140 जागांसह भाजपच्या विजयाचा अंदाज वर्तवला आहे, तर काँग्रेसला 34 ते 51 जागा मिळण्याची शक्यता आहे. तर 'आप'ला 6 ते 13 जागा मिळण्याची शक्यता आहे.

एबीपीच्या एक्झिट - दुसरीकडे, सी व्होटर-एबीपीच्या एक्झिट पोलमध्ये भाजपला मोठी आघाडी असल्याचे सांगण्यात आले आहे. भाजपला 128 ते 140 जागा मिळण्याची शक्यता वर्तवण्यात आली आहे. तर काँग्रेसला 31 ते 43 जागा आणि 'आप'ला 3 ते 11 जागा मिळू शकतात. उत्तर गुजरातमध्ये भाजपला २१ ते २५ तर दक्षिण गुजरातमध्ये २४ ते २८ जागा मिळण्याचा अंदाज आहे. दुसरीकडे, सर्वेक्षणानुसार, दक्षिण गुजरातमध्ये काँग्रेसला 4 ते 8 आणि 'आप'ला 1 ते 3 जागा मिळू शकतात असा अंदाज वर्तवण्यात आला आहे.