गुगलने भारताच्या अमृत महोत्सवानिमित्त देशाची यशोगाधा सांगण्याचा स्तुत्य प्रयत्न केला आहे. स्वातंत्र्यानंतरच्या 75 वर्षांच्या प्रवासात भारताने गाठलेले टप्पे टिपत, सॉफ्टवेअर क्षेत्रातील सर्वात आघाडीची कंपनी गुगलने शुक्रवारी समृद्ध अभिलेखागारातून काढलेल्या आणि देशाची कहाणी सांगण्यासाठी कलात्मक चित्रे असलेल्या एका ऑनलाइन प्रकल्पाचे अनावरण केले. 'इंडिया की उडान' ( Google launches India Ki Udaan ) नावाचा प्रकल्प गुगल आर्ट्स अँड कल्चर ( Google Arts and Culture ) द्वारे कार्यान्वित केलेला हा प्रकल्प देशाच्या यशाचा उत्सव साजरा करतो.
केंद्रीय सांस्कृतिक आणि पर्यटन मंत्री जी किशन रेड्डीआणि संस्कृती मंत्रालय आणि गुगलच्या वरिष्ठ अधिकाऱ्यांच्या उपस्थितीत येथील सुंदर नर्सरीमध्ये आयोजित एका शानदार कार्यक्रमात या प्रकल्पाचा अधिकृतपणे शुभारंभ करण्यात आला. देशव्यापी उत्सवांचा एक भाग म्हणून, गुगलने देखील सरकारच्या वर्षभर चालणार्‍या 'आझादी का अमृत महोत्सव' ला पाठिंबा देण्यासाठी 1947 पासून भारतीयांचे योगदान आणि भारताच्या उत्क्रांती दर्शविणारी माहितीपूर्ण ऑनलाइन सामग्री पोहोचण्यावर लक्ष केंद्रित करत सांस्कृतिक मंत्रालयासोबतचे सहकार्य जाहीर केले.