पणजी- राज्याचे माजी मुख्यमंत्री आणि आमदार प्रतापसिंह राणे ( EX CM MLA Pratap Singh Rane ) यांनी आपल्या राजकीय आयुष्याची 50 वर्षे पूर्ण केल्याबद्दल भाजपा सरकारने त्यांना आजीवन कॅबिनेट मंत्रिपदाचा दर्जा बहाल केला ( Lifetime Cabinet Status To Pratap Singh Rane ) आहे. राणे हे राज्याचे माजी मुख्यमंत्री व विधानसभा अध्यक्ष राहिले आहेत.
माजी मुख्यमंत्री प्रतापसिंह राणे यांना आजीवन कॅबिनेट मंत्री दर्जा पर्यें मतदारसंघाचे विद्यमान आमदार आणि राज्याचे माजी मुख्यमंत्री प्रतापसिंह राणे यांनी नुकतीच आपल्या राजकीय कारकिर्दीची 50 वर्षे पूर्ण केली आहेत. या 50 वर्षात त्यांनी गोव्याच्या विकासात महत्त्वपूर्ण योगदान दिले आहे. त्यांनी राज्याचे मुख्यमंत्री, विधानसभा अध्यक्ष तसेच महत्वाच्या खात्यांची जबाबदारी उत्तम रीतीने पार पाडली होती. म्हणूनच भाजपा सरकारने त्यांच्या कार्याची दखल घेऊन त्यांना आजीवन कॅबिनेटचा दर्जा बहाल केला असल्याची माहिती मुख्यमंत्री डॉ प्रमोद सावंत ( CM Pramod Sawant ) यांनी दिली. यापुढे प्रतापसिंह राणे यांना यापुढे कॅबिनेट मंत्र्यांना मिळणाऱ्या सर्व सुविधा, भत्ते तसेच इतर सुविधा मिळणार असल्याचे मुख्यमंत्री सावंत यांनी सांगितले.
प्रतापसिंह राणे यांच्या 50 वर्षाच्या राजकीय करकीर्दीवर एक नजर
- विद्यमान पर्ये मतदारसंघाचे आमदार
- प्रतापसिंग राणे यांनी. १९८०-१९८५, १९८५-१९८९, १९९० मध्ये ३ महिने, १९९४-१९९९, ३ फेब्रुवारी २००५ पासून ४ मार्च २००५ पर्यंत, जून २००५- जून २००७ अश्या ६ वेळा गोव्याचे मुख्यमंत्रीपद भूषविले आहे.
- राणे १९७०च्या दशकापासून भारतीय राष्ट्रीय काँग्रेस पक्षात आहेत.
- त्याआधी ते महाराष्ट्रवादी गोमंतक पक्षात होते.
- मगोपच्या १९७२ च्या सरकारात त्यांनी कायदा खाते सांभाळले होते.
- गोव्याचे मुख्यमंत्री म्हणून १६ जानेवारी १९८० रोजी प्रथम शपथ घेतली.
- दुसऱ्यांदा मुख्यमंत्री पदाची शपथ ८ जानेवारी १९८५ रोजी घेतली
