Nitin Gadkari in Goa : गडकरींनी दिला पर्रिकरांच्या आठवणींना उजाळा, म्हणाले...

गोवा भाजपच्या निवडणूक कार्यालयाचे उद्घाटन नितीन गडकरी यांच्या ( Goa Bjp Office Inauguration In Nitin Gadkari ) हस्ते करण्यात आले. यावेळी त्यांनी माजी मुख्यमंत्री मनोहर पर्रिकर यांच्या आठवणींना उजाळा दिला. तसेच, गोव्याचा दुप्पट पटीने विकास झाल्याचेही त्यांनी सांगितले.

गोवा :आपल्या खात्याने गोव्याला 15 हजार कोटींची मागणी असताना 22 हजार कोटी रुपये दिले. त्यामुळे गोव्याचा दुप्पट पटीने विकास झाला असल्याचे केंद्रीय मंत्री नितीन गडकरी ( Minister Nitin Gadkari in Goa ) यांनी सांगितले. गोवा भाजपच्या निवडणूक कार्यालयाचे उद्घाटन गडकरी ( Bjp Office Inauguration In Goa ) यांच्या हस्ते करण्यात आले. त्यावेळी ते बोलत होते.

पर्रिकरांना मुख्यमंत्री करायला माझा मोठा वाटा

यावेळी माजी मुख्यमंत्री मनोहर पर्रिकर यांच्या आठवणींना नितीन गडकरींनी ( Nitin Gadkari On Manohar Parrikar ) उजाळा दिला. ते म्हणाले की, "केंद्रात सुरक्षा मंत्री असताना मनोहर पर्रिकर यांनी गोव्यात पुन्हा परत जाण्याची इच्छा आपल्याकडे व्यक्त केली. त्यानूसार पंतप्रधान नरेंद्र मोदी ( Pm Narendra Modi ) यांच्या मान्यतेने पुन्हा गोव्यात आले. 2017 साली सरकार स्थापन करत मुख्यमंत्री झाले. त्यात माझा मोठा वाटा होता."

काँग्रेस झोपले असताना आपण सरकार स्थापन केले

2017 साली भाजपकडे बहुमत नव्हते. तेव्हा काँग्रेस चे 17 आमदार निवडून आले होते. तरीही काँग्रेसने सरकार स्थापन केले नाही. मात्र, एका रात्रीत सूत्रे फिरली आणि आपल्या पुढाकाराने राज्यपाल यांच्याकडे बहुमत सिद्ध करण्यात आले. त्याच दिवशी सरकार स्थापन करण्यात आले. तेव्हा काँग्रेस झोपली होती, असा टोलाही गडकरी यांनी लगावला.

पाण्यावर चालणाऱ्या टॅक्सी

राज्यातील हॉटेल आणि विमानतळ पाण्यावर चालणाऱ्या टॅक्सीने जोडणार आहे. तसेच, बहुतांश गाड्या या इलेक्ट्रॉनिक करणार असून, गोवा राज्य प्रदूषण शून्य करणार असल्याचे गडकरी यांनी स्पष्ट केले.

हेही वाचा -Mumbai District Bank Election : मुंबई जिल्हा बँकेवर प्रविण दरेकरांची एकहाती 'सत्ता', 21 पैकी 21 जागांवर विजय