हैदराबाद - कोरोनावरील औषधी क्षेत्रातील एका मोठ्या ग्लेनमार्क फार्मास्युटिकल्स कंपनीने बुधवारी आपला 'नायट्रिक ऑक्साइड नासल स्प्रे' भारतात 'फेबी स्प्रे' ( Fabi Spray ) या ब्रँड नावाने लॉन्च केला आहे. ग्लेनमार्क फार्मास्युटिकल्स लिमिटेड ( Glenmark ) आणि कॅनेडियन फार्मास्युटिकल कंपनी सॅनोटिझ रिसर्च अँड डेव्हलपमेंट कॉर्पोरेशनने कोरोनाग्रस्त प्रौढ रूग्णांच्या उपचारांसाठी नायट्रिक ऑक्साइड नासल स्प्रे लाँच केले. कंपनीला त्वरीत मंजूरी प्रक्रियेचा भाग म्हणून नायट्रिक ऑक्साइड नासल स्प्रेसाठी भारताच्या औषध नियामक ड्रग्स कंट्रोलर जनरल ऑफ इंडिया (DCGI) कडून उत्पादन आणि विपणन मंजूरी मिळाली आहे.
तीन चाचण्या पूर्ण -
भारतातील या स्प्रेच्या तीन अंतिम चाचण्या पूर्ण झाल्या आहेत. 24 तासांत 94 टक्के आणि 48 तासांत 99 टक्के व्हायरल लोड कमी झाल्याचे प्रात्यक्षिक केले आहे. नायट्रिक ऑक्साईड नासल स्प्रे (NONS) कोरोना रूग्णांमध्ये सुरक्षित आणि परिणाम दिसले. ग्लेनमार्क या ब्रँड नावाखाली NONS चे मार्केटिंग करेल, असे कंपनीकडून सांगण्यात आले आहे. तसेच कंपनीचा दावा आहे की जेव्हा नायट्रिक ऑक्साईड अनुनासिक नाकातील श्लेष्मल त्वचेवर फवारले जाते तेव्हा ते विषाणूविरूद्ध भौतिक आणि रासायनिक अडथळा म्हणून काम करते.
जुलै महिन्यात प्रस्ताव सादर -
ग्लेनमार्कने जुलै 2021 च्या सुरुवातीला अनुनासिक स्प्रे आयात आणि विपणनासाठी आपत्कालीन मंजुरीसाठी CDSCO च्या विषय तज्ञ समितीकडे प्रस्ताव सादर केला होता. दरम्यान, देशव्यापी सुरू असलेल्या लसीकरण मोहिमेअंतर्गत, आतापर्यंत 170.87 कोटी लसीचे डोस देण्यात आले आहेत. भारतात गेल्या 24 तासांत 71,365 नवीन कोविड-19 प्रकरणे नोंदवली गेली, अशी माहिती आरोग्य आणि कुटुंब कल्याण मंत्रालयाने बुधवारी दिली.
