कोरबा (छत्तीसगड): Psycho Killer: 20 वर्षीय तरुणीच्या निर्घृण हत्येमध्ये आता प्रेमाचा त्रिकोण समोर येत आहे. याशिवाय मृतदेहाजवळून गुजरात ते छत्तीसगडच्या विमानाची तिकिटेही सापडली आहेत. त्यामुळे मारेकरी गुजरातमधून विमानाने मुलीची हत्या करण्यासाठी आल्याची शक्यता व्यक्त केली जात आहे. unknown accused absconding in korba
काय आहे संपूर्ण प्रकरण: कोरबा येथील CSEB चौकीच्या पंप हाऊस कॉलनीतील निलकुसुम पन्ना या तरुणीची स्क्रू ड्रायव्हरने निर्घृण हत्या करण्यात Girl murderd with screwdriver in korba आली. दुपारी मृताचा भाऊ घरी परतल्यानंतर खुनाची ही घटना उघडकीस आली. घटनास्थळी विमानाचे तिकीट सापडले असून, त्यावरून हत्येचा आरोपी शाहबाज खान असल्याचा अंदाज वर्तवला जात आहे. जो गुजरातहून दोनच दिवसांपूर्वी छत्तीसगडमध्ये आला होता.
हत्येवेळी मयत घरी एकटीच : पंप हाऊस कॉलनीत राहणारा व एका खासगी कंपनीत काम करणारा बुधराम पन्ना हा पत्नी फुलजेना, मुलगा व मुलगी यांच्यासह राहत होता. शनिवारी बुधराम हे पत्नीसह सकाळी ड्युटीवर गेले होते. तर मुलगा आईला शाळेत सोडल्यानंतर दादरखुर्दला गेला होता. दरम्यान नीलकुसुम घरी एकटीच होती. मुलीचा भाऊ दुपारी घरी परतला आणि दरवाजा ठोठावला असता आतून आवाज आला नाही. त्यानंतर तो घराच्या मागून घरात पोहोचला. खोलीत बहीण नीलकुसुमचा मृतदेह जमिनीवर पडला होता.
त्यामुळेच शाहबाज खानवर संशय: घटनास्थळी पोलिसांना गुजरातमधील मुंद्रा ते अहमदाबाद या बसचे तिकीट सापडले. यासोबतच 22 डिसेंबरसाठी अहमदाबाद ते रायपूर विमानाचे तिकीट मिळाले आहे. रायपूर ते बिलासपूर या एसी बसचेही तिकीट आहे. विमानाच्या तिकिटावर शाहबाज खानचे नाव आहे. मृताच्या नातेवाइकांनी सांगितले की, "सुमारे तीन वर्षांपूर्वी शाहबाज हा जशपूर ते कोरबा दरम्यान धावणाऱ्या प्रवासी बसचा कंडक्टर होता. नीलकुसुम मदनपूर येथील मिशनरी स्कूलमध्ये शिकत असे. तिचे इयत्ता 9वी ते 12वीपर्यंतचे शिक्षण तेथेच झाले. नीलकुसुम त्याच बसने शाळेत जायची, ज्या बसमध्ये शाहबाज कंडक्टर होता. दरम्यान शाहबाज आणि नीळकुसुमची जवळीक वाढत गेली.
तीन दिवसांपूर्वी शेहबाजने फोनवर धमकी दिली होती: कुटुंबीयांचे म्हणणे आहे की "नीलकुसुमला शेहबाजशी बोलायचे नव्हते. तिला त्रास होत होता." मृताच्या भावाने सांगितले की, "शाहबाजने यापूर्वीही अनेकदा नीलकुसुमचा पाठलाग केला आहे." आता पोलीस या हत्येच्या घटनेत शाहबाजची भूमिका तपासत आहेत.
खुन्याने स्वतःची छाप सोडली का? त्यामुळे प्रेम त्रिकोणाचीही शंका : जशपूर येथील रहिवासी असलेल्या शाहबाज खानचा गुजरातशी काय संबंध? विमानाने तो इथे कसा पोहोचला? हे देखील निश्चित होऊ शकले नाही. सध्या तो गुजरातमध्ये राहत असावा आणि काम करत असावा, असा अंदाज वर्तवला जात आहे. प्रसंगी खुनी स्वत:ची छाप का सोडणार, हाही प्रश्न आहे. त्यामुळे लव्ह ट्रँगलच्या सिद्धांतालाही बळ मिळत आहे.
पोलिसांनी 4 वेगवेगळी टीम बनवली : हत्येचे गूढ उकलण्यासाठी पोलीस श्वानपथक आणि फॉरेन्सिक टीमची मदत घेत आहेत. सखोल तपासासाठी पोलिसांनी दोन ते तीन पथके तयार केली आहेत. सर्व पथके आपापल्या स्तरावर घटनेचा तपास करत आहेत. हत्येमागचा हेतू काय आणि खरा खुनी कोण? हा प्रश्न अजूनही कायम आहे. कोणाच्या जबाबासाठी पोलीस तपासात गुंतले आहेत. प्रकरणाचा तपास सुरू आहे, प्रत्येक कोनातून पुरावे शोधले जात आहेत. या हत्येप्रकरणी अतिरिक्त पोलीस अधीक्षक अभिषेक वर्मा म्हणाले की, "आम्ही या प्रकरणाच्या तपासासाठी 4 पथके तयार केली आहेत. सखोल तपास सुरू आहे. हत्येतील शाहबाज खानची भूमिका, विमानाचे तिकीट आणि सर्व मुद्दे तपासले जात आहेत. लवकरच या प्रकरणाचा खुलासा करू."
