Gas leaked : लुधियानात गॅस लिक झाल्याने गरोदर महिला बेशुद्ध, प्रशासनाने केला 'हा' दावा

लुधियानात गॅस लिक झाल्याने एक गरोदर महिला बेशुद्ध पडली आहे. त्यामुळे लुधियानात मोठी खळबळ उडाली आहे. प्रशासनाने मात्र गॅस लिक झाला नसल्याचा दावा केला आहे.

लुधियाना : गॅस लिक झाल्यामुळे एक गर्भवती महिला बेशुद्ध पडल्याने खळबळ उडाली. ही घटना पंजाबमधील लुधियाना येथे घडली आहे. आज सकाळी ही गर्भवती महिला बेशुद्ध पडल्याने तिला जवळच्या रुग्णालयात दाखल करण्यात आले आहे. महिला बेशुद्ध पडल्याने परिसरात पुन्हा गॅस लिक झाल्याची बातमी वाऱ्यासारखी पसरली. त्यामुळे नागरिकांमध्ये मोठी दहशत निर्माण झाली आहे. घटनास्थळी एनडीआरएफची टीम दाखल झाली आहे. प्रशासनातील वरिष्ठ अधिकाऱ्यांनीही घटनास्थळी भेट दिली आहे. परिसराची पाहणी करण्यात आली, मात्र एसडीएम हरजिंदर सिंह यांनी गॅस गळती झाल्याचे अद्याप स्पष्ट झाले नसल्याचे सांगितले आहे.

गरोदर असल्याने महिला अशक्त :बेशुद्ध होऊन पडलेली महिला ही चार महिन्यांची गरोदर आहे. त्यामुळे गरोदर असल्याने पीडित महिला अगोदरच अशक्त आहे. त्यामुळे कधीकधी गर्भवती महिलांना चक्कर येत असल्याचे त्यांनी यावेळी स्पष्ट केले. गरोदर महिलांना उलट्या होतात, त्यामुळे अशक्तपणा येत असल्याचेही त्यांनी यावेळी सांगितले. त्यामुळे नागरिकांनी घाबरू नये, आम्ही घटनास्थळी उपस्थित आहोत, असे ते म्हणाले.

पोलीस तैनात, परिसर सील : गॅस लिक झाल्याची माहिती पसरल्यामुळे नागरिकांनी तात्काळ पोलीस आणि आमदार राजिंदरपाल कौर छिना यांच्याशी संपर्क साधला. गॅस गळतीचा कोणताही प्रकार नसून खबरदारी म्हणून स्थानिक पोलीस आणि सिव्हिल हॉस्पिटलला कळवण्यात आल्याची माहिती आमदार राजिंदरपाल कौर छिना यांनी दिली आहे. सध्या जिल्हा पोलीस प्रशासन या प्रकरणाचा तपास करत आहे. हा परिसर अजूनही सील करण्यात आला आहे. सध्या महापालिकेची पथके गटारी आदी उघडून सांडपाणी लाइन तपासण्यात येत आहे.

गॅसचा प्रभाव नाही :नागरिकांनी घाबरण्याची गरज नसल्याचे घटनास्थळी पोहोचलेले एसडीएम हरजिंदर सिंह यांनी स्पष्ट केले. परिसरात दहशत पसरली असून आम्ही मास्कशिवाय परिसरात फिरत आहोत. याचा अर्थ गॅसचा कोणताही परिणाम होत नसल्याचे एसडीएम यांनी यावेळी सांगितले. कोणत्याही प्रकारच्या वायूचा परिणाम होत नसल्याचे आपण पाहत आहोत. यामुळे, खबरदारीची बाब म्हणून एनडीआरएफच्या पथकांना पाचारण करण्यात आल्याचेही त्यांनी यावेळी सांगितले.