हैदराबाद -तेलंगाणातील करीमनगर जिल्ह्यात ( Karimnagar District in Telangana ) रविवारी (आज) सकाळी एका झोपडीवर भरधाव कार आदळल्याने चार महिलांचा मृत्यू झाला ( Four Women Died Car accident ) आहे. माहिती मिळताच पोलिसांनी घटनास्थळी धाव घेतली.
घटनास्थळावरील व्हिडिओ
पोलिसांनी दिलेल्या माहितीनुसार, सकाळी 7 वाजता करीमनगर येथील कामन परिसरात कार झोपडीवर आदळून चार महिलांचा मृत्यू झाला. या महिला घराबाहेर काम करत असताना अचानक एक ओव्हरस्पीड कार त्यांच्या झोपडीत घुसली आणि त्यांना चिरडले. यात एका महिलेचा जागीच मृत्यू झाला, तर तीन जखमी महिलांना तातडीने करीमनगरच्या शासकीय रुग्णालयात दाखल करण्यात आले. त्यानंतर तिघांचा उपचारादरम्यान मृत्यू झाला. फरियाद, ज्योती, सुनिता आणि ललिता अशी मृत महिलांची नावे आहेत.