Three Students Drowned : केरवा धरणाजवळ फिरायला गेलेल्या चार मित्रांपैकी तिघांचा धरणात बुडून मृत्यू

भोपाळ येथील केरवा धरण (Bhopal Kerwa Dam) येथे सहलीला गेलेल्या तीन तरुणांचा पाण्यात बुडून मृत्यू झाला आहे. त्यानंतर स्थानिकांनी दिलेल्या माहितीनंतर रातीबड पोलिसांनी स्थानिकांच्या मदतीने तिघांचे मृतदेह पाण्यातून बाहेर काढले आहे. पोलिसांनी घटनेचा पंचनामा करुन मृतदेह शवविच्छेदनासाठी पाठवले.

भोपाळ (मध्यप्रदेश) -येथील केरवा धरण (Bhopal Kerwa Dam) येथे सहलीला गेलेल्या तीन तरुणांचा पाण्यात बुडून मृत्यू झाला आहे. त्यानंतर स्थानिकांनी दिलेल्या माहितीनंतर रातीबड पोलिसांनी स्थानिकांच्या मदतीने तिघांचे मृतदेह पाण्यातून बाहेर काढले आहे. पोलिसांनी घटनेचा पंचनामा करुन मृतदेह शवविच्छेदनासाठी पाठवले.

एकमेकांच्या वाचवण्याच्या प्रयत्नात तीघे बुडाले - मिळालेल्या माहितीनुसार, चार मित्र अंघोळीसाठी धरणाच्या परिसरात गेले होते. त्यावेळी त्यातील एक जण धरणाच्या पाण्यात उतरला व तो बुडू लागला. त्याला वाचविण्यासाठी दुसरा मित्राने पाण्यात उडील मारली. पण, तोही बुडू लागला त्यांना वाचविण्यासाठी तिसऱ्यानेही उडी मारली. पण, तोही बुडू लागला. चौथा मित्र पाण्याच्या बाहेर राहून मदतीसाठी आर्त हाक मारू लागला. पण, मदत मिळेपर्यंत वेळ निघून गेली होती. (Bhopal Picnic Spot Kerwa Dam)

यापूर्वीही घडल्या घटना - मित्र ऋषि धरणाच्या बाहेर होता. मित्रांना बुडताना पाहताना तो जोरजोरात ओरडू लागला. पण, त्या ठिकाणी जास्त कोणी नव्हते. त्याचवेळी एक व्यक्ती त्या ठिकाणाहून जात होती. त्यांनी मदतीसाठी धाव घेतली. पण, तिघेही धरणाच्या पाण्यात बुडाले होते. माहिती मिळताच पोलिसांनी घटनास्थळी धाव घेत 15 मिनिटाच्या प्रयत्नात तिघांचे मृतदेह पाण्यातून बाहेर काढले. ज्या ठिकाणी तिघे बुडाले त्या ठिकाणी यापूर्वीही अशा अनेक घटना झाल्या आहेत.

हेही वाचा -Lion Jackal Video in Zoo : कमला नेहरु पार्कमध्ये शिकार करताना सिंहाची दमछाक; चपळ कोल्ह्याने 'असा' दिला चकवा