जयपूर -जम्मू-काश्मीरसह पाच राज्यांचे राज्यपाल राहिलेले सत्यपाल मलिक (Satya Pal Malik) यांनी गुरुवारी केंद्र सरकारवर निशाणा साधला आहे. (satya pal malik criticize narendra modi). मोदी सरकारने शेतकऱ्यांना किमान आधारभूत किंमत लागू करण्याचा निर्णय घ्यावा, अन्यथा पुन्हा एकदा आंदोलन करण्यात येईल, असे मलिक म्हणाले. (Farmer Protest on MSP). संयुक्त किसान मोर्चातर्फे (Samyukt Kisan Morcha) 11 डिसेंबर रोजी काळा दिवस साजरा करण्यात येणार असल्याचे त्यांनी सांगितले. केंद्राला घेराव घालत मलिक म्हणाले की, अडाणींनी हरियाणात गव्हाची गोदामे भरली आहेत, तर शेतकऱ्यांना त्यांच्या गव्हाला भाव मिळत नाही. गुजरात मॉडेलबद्दल बोलताना ते म्हणाले की, मोदी मॉडेल अपयशी ठरले आहे.
एमएसपीसाठी पुन्हा आंदोलन करणार - सत्यपाल मलिक म्हणाले की, येत्या काही दिवसांत ते एमएसपीच्या प्रश्नावर शेतकरी आंदोलन करणार आहेत. युनायटेड किसान मोर्चाचे लोक यासाठी तयारी करत आहेत आणि मी त्यांच्या समर्थनात आहे. मोठे आंदोलन उभे राहील आणि याला केंद्र सरकार जबाबदार असेल. शेतकऱ्यांची फसवणूक होत आहे. मात्र आता हे होऊ देणार नाही. मोदी सरकारने शेतकऱ्यांना किमान आधारभूत किंमत लागू करण्याचा निर्णय घ्यावा, अन्यथा पुन्हा एकदा आंदोलन करण्यात येईल, असे ते म्हणाले. संयुक्त किसान मोर्चातर्फे 11 डिसेंबर रोजी काळा दिवस साजरा करण्यात येणार असल्याचे त्यांनी सांगितले.
अडाणींच्या गोदामात गहू भरला - माजी राज्यपाल सत्यपाल मलिक म्हणाले की, हरियाणातील अडाणींच्या गोदामात गव्हाचे भांडार लावण्यात आले असून शेतकऱ्यांना एमएसपी मिळत नाही आहे. पेन्शन रद्द केली जात आहे. केंद्र सरकार पूर्णपणे बेफिकीर आहे. तीनही कृषी कायदे मागे घेतल्यानंतर पंतप्रधान म्हणाले होते की एमएसपीवर लवकरच निर्णय घेतला जाईल. तो निर्णय अद्याप झालेला नाही. एमएसपीबाबत शेतकऱ्यांनी काय करावे? शेतकऱ्यांच्या हितासाठी लढत राहणार असल्याचे त्यांनी सांगितले. मी निवडणूक लढवणार नाही, पण शेतकऱ्यांच्या हितासाठी सरकारशी लढावे लागले तर मी लढेन, असे मलिक म्हणाले. ते म्हणाले की, ते कोणत्याही पक्षासोबत जाणार नाहीत मात्र शेतकर्‍यांच्या समर्थनार्थ रस्त्यावर नक्की उतरणार.