महाराष्ट्र

maharashtra

By

Published : May 16, 2022, 7:49 PM IST

ETV Bharat / bharat

food served by caste : जातीप्रमाणे बसण्याची व्यवस्था, हिमाचल प्रदेशातील व्हिडिओ व्हायरल

व्हिडीओ पोस्ट करून मदन रंता यांनी लिहिले की, 'आमच्या हाटी प्रदेशाची ( Hati region caste issue ) ही अवस्था आहे. आम्ही सर्व एकाच समाजाचे लोक आहोत, असे म्हटले जाते, मात्र येथे जात पाहून भाकरीही ( food served by caste ) दिली जाते. आम्ही तेच लोक आहोत, जे म्हणतात की आम्ही एकाच समाजाचे लोक आहोत.

जातीप्रमाणे बसण्याची व्यवस्था
जातीप्रमाणे बसण्याची व्यवस्था

सिरमौर ( शिमला )- हिमाचल प्रदेशातील सिरमौर जिल्ह्यात एका कार्यक्रमात जातीच्या आधारावर जेवण दिल्याचे प्रकरण समोर आले आहे. याचा एक व्हिडिओ सोशल मीडियावर ( caste issue viral video ) व्हायरल होत आहे. जातीच्या आधारावर जेवण देण्याचा हा व्हिडिओ मदन रंता या तरुणाने त्याच्या फेसबुक प्रोफाईलवरून ( Madan Ranta FB video ) शेअर केला आहे. सोबतच या प्रकरणी प्रश्नही उपस्थित करण्यात आले आहेत.

व्हिडीओ पोस्ट करून मदन रंता यांनी लिहिले की, 'आमच्या हाटी प्रदेशाची ( Hati region caste issue ) ही अवस्था आहे. आम्ही सर्व एकाच समाजाचे लोक आहोत, असे म्हटले जाते, मात्र येथे जात पाहून भाकरीही ( food served by caste ) दिली जाते. आम्ही तेच लोक आहोत, जे म्हणतात की आम्ही एकाच समाजाचे लोक आहोत. खाण्याच्या सवयीही त्याच आहेत. आम्ही एकत्र खातो आणि आमच्या जत्रा आणि सणदेखील सारखेच असतात. जात नाही, मग ते काय? तरुणाने पुढे लिहिले की, शिल्लईच्या आत कशी अस्पृश्यता आहे, हे तुम्ही सर्व व्हिडिओमध्ये पहा. आमच्या गिरीपार परिसरात जात आणि अस्पृश्यता भरलेली आहे. ज्यांना हा व्हिडीओ समजेल त्यांनी जरूर शेअर करावा, जेणेकरून अशा मानसिकतेच्या लोकांची विचारसरणी सर्वांना कळू शकेल.

जातीच्या आधारावर जेवण दिल्याचे प्रकरण

एसपीकडे तक्रार-व्हिडीओ व्हायरल झाल्यानंतर दलित शोषण मुक्ती मंचने याचा तीव्र शब्दात निषेध केला आहे. या संपूर्ण प्रकरणाची चौकशी करून योग्य ती कारवाई करण्याची मागणी केली आहे. दलित शोषण मुक्ती मंचने हा व्हायरल व्हिडिओ जिल्ह्याच्या एएसपींनाही पाठवला आहे. दलित शोषण मुक्ती मंचचे जिल्हा समन्वयक आशिष कुमार यांनी सांगितले की, शिल्लाई भागातील एका विवाह सोहळ्याचा व्हिडिओ व्हायरल झाला आहे, ज्यामध्ये लाऊडस्पीकरवरून घोषणा केली जात आहे की जातीच्या आधारावर भोजनाची व्यवस्था करण्यात आली आहे. एएसपी बबिता राणा यांनी सांगितले की, या संदर्भात दलित शोषण मुक्ती मंचला लेखी तक्रार करण्यास सांगितले आहे. तक्रारीच्या आधारे या प्रकरणाची चौकशी करून योग्य ती कारवाई केली जाईल.

हिमाचल प्रदेशातील व्हिडिओ व्हायरल

ईटीव्ही इंडियाच्या प्रतिनिधीने हे प्रकरण पोस्ट करणाऱ्या तरुणाशी फोनवर बोलले असता त्यांनी सांगितले की, हा व्हिडिओ शिल्लई भागातील पोटा मानल पंचायतीचा आहे. हा विवाह सोहळा १२ मे रोजी आयोजित करण्यात आला होता. युवक मदन रंता यांनीही अशा प्रकाराचा तीव्र निषेध केला आहे.

पोलीस ठाण्यात तक्रार- व्हिडिओबाबत भीम आर्मी भारत एकता मिशनच्यावतीने शिल्‍लई पोलिस ठाण्यात लेखी तक्रारही देण्यात आली आहे. तक्रार आल्यानंतर पोलिसांनी या प्रकरणाचा तपास सुरू केला आहे. समारंभात अनुसूचित जातीच्या लोकांना वेगळे बसून जेवण करण्यास सांगितले जात असल्याचे तक्रारीत म्हटले आहे. याप्रकरणी एससी एसटी कायद्यांतर्गत गुन्हा दाखल करून कारवाई करावी, अशी मागणी भीम आर्मीने पोलिसांकडे केली आहे. डीएसपी वीर बहादूर यांनी तक्रार मिळाल्याची पुष्टी केली आहे. त्यांनी सांगितले की, जातिभेद प्रकरणी व्हायरल होत असलेल्या व्हिडिओच्या संदर्भात भीम आर्मीने शिलाई पोलीस ठाण्यात लेखी तक्रार दिली आहे. तक्रार आल्यानंतर पोलीस या प्रकरणाचा तपास करत आहेत. तपासानंतर योग्य ती कारवाई केली जाईल, असे ते म्हणाले.

47 सेकंदाच्या व्हायरल झालेल्या या व्हिडिओमध्ये माइकवर एक व्यक्ती जातीच्या आधारावर वेगवेगळे जेवण देण्याबाबत बोलत असल्याचे पाहायला मिळत आहे. ईटीव्ही इंडिया या व्हायरल व्हिडिओला दुजोरा देत नाही.

हेही वाचा-Telangana Child Marriage : वाढदिवसाच्या नावाखाली आईवडिलांनी 12 वर्षीय मुलीचा लावला 35 वर्षीय युवकाशी विवाह

हेही वाचा-Assault on Lawyer viral video : महिला वकिलाला मारहाण करणाऱ्या आरोपीला अटक, आरोपीला भाजप नेत्याचे समर्थन

हेही वाचा-CM Ashok Gehlot : भाजपचा अजेंडा हिंदुत्वाचा, त्यामुळे देशात दंगली; गेहलोत यांचा भाजपावर निशाणा

ABOUT THE AUTHOR

...view details