गॅस सिलिंडरने भरलेल्या ट्रकला भीषण आग, चालकाचा दुर्दैवी मृत्यू भागलपूर : बिहारच्या भागलपूरमध्ये गॅस सिलिंडर ( Gas Cylinder ) घेऊन जाणाऱ्या ट्रकचा स्फोट झाला. स्फोटानंतर ट्रकने पेट घेतला. या अपघातात चालकाचा दुर्दैवी मृत्यू झाला आहे. जिल्ह्यातील नवगचिया उपविभागातील नारायणपूर पेट्रोल पंपाजवळ ही घटना घडली. गॅस सिलिंडरच्या स्फोटानंतर सिलिंडरचे तुकडे 100 मीटरच्या परिघात विखुरले गेले. या घटनेत एक हॉटेलही जाळाले आहे. आगीची माहिती मिळताच अग्निशमन दल घटनास्थळी पोहोचले. ( Fire after explosion in gas cylinder laden truck )
गॅस सिलिंडरने भरलेल्या ट्रकमध्ये स्फोट :सिलिंडरचा स्फोट झाल्यानंतर भगवान पेट्रोल पंपाच्या पाण्याच्या टाकीतही सिलिंडरचा तुकडा पडला. पेट्रोल पंप आणि पंपाचे कर्मचारी पूर्णपणे सुरक्षित आहेत. आगीचे नेमके कारण अद्याप समजू शकलेले नाही. परंतु सिलिंडरचा काळाबाजार होत होता. याच दरम्यान ही घटना घडली. आग पूर्णपणे विझवण्यात आली आहे.
वाहतूक पूर्ववत : मुंगेर जिल्ह्यातील शंकरपूर गावातील रहिवासी मंटू यादव एलपीजीने भरलेला ट्रक चालवत होते. त्यात चालक जळून खाक झाले आहे. माहिती मिळताच ट्रक चालकाचे कुटुंबीय घटनास्थळी पोहोचले असून मृतदेह बाहेर काढण्याचे प्रयत्न सुरू आहेत. ही घटना बुधवारी पहाटे साडेपाचच्या सुमारास घडली. स्फोटाचा आवाज अनेक किलोमीटरपर्यंत ऐकू आला. घटनेची माहिती मिळताच पोलीस घटनास्थळी पोहोचले आणि तपासात गुंतले. सध्या NH 31 वर वाहतूक पूर्ववत करण्यात आली आहे.
