Falgun Vinayak Chaturthi 2023 : 23 फेब्रुवारीला आहे फाल्गुन विनायक चतुर्थी, अशा प्रकारे पूजा केल्यास सर्व होतील इच्छा पूर्ण

शुक्ल पक्षातील चतुर्थी तिथीला विनायक चतुर्थी व्रत प्रत्येक महिन्याच्या शुक्ल पक्षातील चतुर्थीला पाळले जाते. फाल्गुन विनायक चतुर्थी या वेळी 23 फेब्रुवारी, गुरुवार रोजी आहे. हे व्रत मनोकामना पूर्ण करणारे आणि संकट दूर करणारे मानले जाते. चला जाणून घेऊया विनायक चतुर्थीची उपासना पद्धत आणि विनायक चतुर्थीचे उपाय.

हैदराबाद :फाल्गुन शुक्ल चतुर्थी 23 फेब्रुवारी गुरुवार रोजी पहाटे 3 वा. 24 मिनीटांनी सुरू होत आहे आणि दुसऱ्या दिवशी पहाटे 1 वा. 33 मिनिटांनी समाप्त होईल. विनायक चतुर्थी दिवशी दुपार ते मध्यान्ह दरम्यान गणेशाची पूजा करावी. शुभ मुहूर्त, सकाळी 11.25 ते दुपारी 1.43 यावेळी आहे.

विनायक चतुर्थी व्रताचे महत्त्व जाणून घ्या:हे व्रत प्रत्येक महिन्यात पाळले जाते. विनायक चतुर्थीला 'वरद विनायक चतुर्थी' (इच्छापूर्तीच्या आशीर्वादाला वरद असे म्हणतात) असेही मानले जाते. भाद्रपदात येणारी विनायक चतुर्थी ही जगभरातील हिंदू समाजातील लोक 'भगवान गणेशाची जयंती' म्हणून साजरी करतात. असे मानले जाते की, या व्रताचे पालन केल्याने भक्ताचे मूल बुद्धिमान होते, त्याची स्मरणशक्ती वाढते आणि त्याचा मानसिक विकास गतिमान होतो. तसेच गणेशाला विघ्नहर्ता गणेश म्हणूनही मानले जाते. संकटकाळात धावून येणाऱ्या लंबोदराची पूजा केल्यास सगळे विघ्न टळतात. म्हणून विनायक चतुर्थीच्या दिवशी दूर्वा, फुल आणि मोदकाचा प्रसाद अर्पण करुन मनोभावे पूजा करावी. आणि गणरायाचा आर्शिवाद घ्यावा.

विनायक चतुर्थीची अशी पूजा करा:सकाळी उठल्यावर स्नान करून उपवासाचे व्रत करावे. गंगेच्या पाण्याने पूजास्थान पवित्र करून गणेशाला आसन घालावे. विनायकाला पिवळ्या फुलांची माळ अर्पण करावी. धूप, दीप, नैवेद्य, अक्षदा आणि दुर्वा अर्पण करा. मोदक आणि लाडू अर्पण करा आणि व्रत कथा सांगून विनायकाची आरती करा. चंद्राला अर्घ्य अर्पण केल्यानंतर उपवास सोडा. शत्रूपासून मुक्ती मिळवण्यासाठी या मंत्रांचा जप करा :ऊॅं ओम गं गंपतये नम:, ऊॅं वक्रतुंडाय हुं , ऊॅं सिद्धा लक्ष्मी मनोरहप्रियाय नम:, ऊॅं ओम मेघोटकाय स्वाहा, ऊॅं श्री ह्रीं क्लीन ग्लोन गं गमगतये वरद वरद सर्वजनम् मी वशमनाय स्वाह, ऊॅं नं हेरंब मद मोहित मम संकटं निवारय निवाराय स्वाहा

विनायक चतुर्थी व्रताचे हे उपाय आहेत :या दिवशी उपवास जरूर ठेवावा पण ज्यांना उपवास करता येत नाही, त्यांनी आपल्या कुवतीनुसार गरिबांना दान करावे. श्री गणेशाला लाडू आणि गुळाचा नैवेद्य दाखवावा व गरिबांमध्ये वाटून घ्यावा. यामुळे घरात सकारात्मक ऊर्जा येते आणि धनसंपत्तीही वाढते. मनोकामना पूर्ण होण्यासाठी विनायक चतुर्थीला गणेशाला 21 दुर्वा अर्पण कराव्यात आणि 'ओम गं गणपतये नमः' या मंत्राचा उच्चार करावा.