Fake BSF Twitter account deleted भारतीय सीमा सुरक्षा दलाचे बनावट खाते ट्विटरवरून हटविले

भारताच्या सीमा सुरक्षा दलाच्या BSF ट्विटर हँडलचे बनावट अकाऊंट हटविण्यात Fake account twitter handle आले आहे. केंद्र सरकारने त्यासंदर्भात तथ्य तपासणी युनिटला सूचना दिल्या होत्या.

नवी दिल्ली -भारतीय सीमा सुरक्षा दलाच्या BSF ट्विटर हँडलचे बनावट अकाऊंट एक बनावट ट्विटर Fake account twitter handle खाते हटविण्यात आले आहे. केंद्राने त्यासंदर्भात तथ्य तपासणी युनिटला त्यासंदर्भात कार्यान्वित केले होते. सीमा रक्षक दलाने हे प्रकरण गांभीर्याने घेतले आहे. @BsfIndia0 नावाचे बनावट ट्विटर हँडल अकाऊंट बनवून बीएसएफचे अधिकृत ट्विटर खाते म्हणून हॅकर्स तोतयागिरी करत होते. हे खाते बीएसएफच्या अधिकृत ट्विटर हँडल @BSF_India सारखे दिसत होते.

माहिती आणि प्रसारण मंत्रालयाच्या I&B अंतर्गत तथ्य तपासणी युनिटने ते बनावट खाते घोषित केल्यानंतर 24 तासांच्या आत ते ट्विटर हँडल हटवण्यात आले आणि बीएसएफने ट्विटरला या बनावट खात्यावर त्वरित कारवाई करून ते तातडीने काढण्यासाठी पत्र लिहिले.

बीएसएफच्या खऱ्या ट्विटर हँडलची तोतयागिरी करणाऱ्या बनावट खात्यावर कारवाई करण्यासाठी आम्ही मंगळवारी ट्विटरला पत्र लिहिले. हे हँडल खाली आणण्यास सांगण्यात आले. आम्ही ट्विटरला लिहिल्यानंतर काही वेळातच बनावट ट्विटर हँडल हटवण्यात आले, असे बीएसएफच्या एका वरिष्ठ अधिकाऱ्याने सांगितले.

माहिती आणि प्रसारण मंत्रालयाच्या फॅक्ट चेक युनिटने @BsfIndia0 हे बनावट ट्विटर हँडल म्हणून घोषित केले. तोपर्यंत त्याचे 30 फॉलोअर्स झाले होते आणि 60 लोकांनी ते अकाऊंट फॉलो केले होते. मायक्रो-ब्लॉगिंग साइटवर खाते व्हायरल झाल्याने आणि फॉलोअर्सला आकर्षित करू लागल्याने कोणताही गैरसमज होऊ नये म्हणून तथ्य तपासणी युनिटने प्रेस इन्फॉर्मेशन ब्युरोच्या ट्विटर हँडलद्वारे ही घोषणा केली.

@BsfIndia0 नावाचे बनावट ट्विटर हँडल सीमा सुरक्षा दलाचे अधिकृत #twitter खाते म्हणून तोतयागिरी करत होते. हे खाते बनावट आहे. BSFचे अधिकृत ट्विटर खाते @BSF_India आहे, असे पीआयबी फॅक्ट चेक हँडलने ट्विट केले आहे.

पाकिस्तानला लागून असलेली 3,323 किमी सीमा आणि बांगलादेशला लागून असलेल्या 4,096 किमी सीमेचे रक्षण करण्याची जबाबदारी असलेले भारतीय सीमा सुरक्षा दल हे एक प्रमुख दल असल्याने बनावट खात्याद्वारे लोकांना चुकीची माहिती दिली जाऊ शकते, म्हणून ही बाब महत्त्वाची मानली जाते. त्यामुळे तातडीने कारवाई करीत त्याचे बनावट अकाऊंट काढून टाकण्यात आले.