नवी दिल्ली : कर्मचारी भविष्य निर्वाह निधी संघटना (EPFO) ने सोमवारी कर्मचारी पेन्शन योजना (EPS) अंतर्गत अधिक पेन्शनसाठी अर्ज करण्याची प्रक्रिया सुरू केली. सेवानिवृत्ती निधीचे व्यवस्थापन करणार्‍या संस्थेने सांगितले की, सदस्य आणि त्यांचे कर्मचारी यासाठी संयुक्तपणे अर्ज करू शकतील. नोव्हेंबर 2022 मध्ये सर्वोच्च न्यायालयाने एक निर्णय दिला होता, या अंतर्गत न्यायालयाने कर्मचारी पेन्शन (सुधारणा) योजना, 2014 कायम ठेवली. 22 ऑगस्ट 2014 रोजी, ईपीएस दुरुस्तीद्वारे पेन्शनपात्र वेतन मर्यादा 6500 रुपयांवरून 15 हजार रुपये करण्यात आली. ही रक्कम दरमहा आहे. यासह, सदस्यांना त्यांच्या मूळ वेतनाच्या 8.33 टक्के रक्कम त्यांच्या नियोक्त्यांना EPS मध्ये योगदान देण्याची परवानगी होती.
लवकरच प्रसिद्ध होणार URL :माहिती देताना ईपीएफओने असेही सांगितले आहे की, ही प्रक्रिया लवकरच ऑनलाइन सुरू होईल. त्याची URL (युनिक रिसोर्स लोकेशन) लवकरच प्रसिद्ध केली जाईल. प्रादेशिक पीएफ आयुक्त याबाबत माहिती देतील. ईपीएफओच्या आदेशानुसार प्रत्येक अर्जाची नोंदणी केली जाईल. त्यानंतर अर्जदाराला डिजिटली लॉग इन करून पावती क्रमांक दिला जाईल.
अर्जदाराला दिली जाईल माहिती : त्यात पुढे म्हटले आहे की, संबंधित प्रादेशिक भविष्य निर्वाह निधी कार्यालयाचे प्रभारी अधिकारी उच्च वेतनावरील संयुक्त पर्यायाच्या प्रत्येक प्रकरणाची छाननी करतील. यानंतर अर्जदाराला ई-मेल/पोस्टद्वारे आणि नंतर एसएमएसद्वारे निर्णयाची माहिती दिली जाईल.
14.93 लाख नवीन सदस्य जोडले : कर्मचारी भविष्य निर्वाह निधी संघटनेने (EPFO) डिसेंबर 2022 मध्ये निव्वळ आधारावर 14.93 लाख नवीन सदस्य जोडले. हे वर्षभरापूर्वीच्या याच कालावधीपेक्षा दोन टक्क्यांनी अधिक आहे. कामगार मंत्रालयाने ही माहिती दिली. ईपीएफओचा प्राथमिक वेतनपट डेटा सोमवारी जाहीर करण्यात आला. या आकडेवारीनुसार डिसेंबर 2022 मध्ये सभासदांच्या संख्येत 14.93 लाखांची वाढ झाली आहे.
संख्या वाढतीवर : मंत्रालयाने सांगितले की, गेल्या वर्षीच्या याच महिन्याशी तुलना केल्यास, डिसेंबर 2022 मध्ये, सदस्यांच्या संख्येत गेल्या वर्षीच्या याच महिन्याच्या तुलनेत 32,635 ने वाढ झाली आहे. कामगार मंत्रालयाने कर्मचारी राज्य विमा महामंडळ (ESIC) चा पगार डेटा देखील जारी केला आहे. डिसेंबर 2022 मध्ये 18.03 लाख नवीन कर्मचारी ईएसआयसीशी निगडीत असल्याचे दिसून आले आहे. वार्षिक आधारावर तुलना केल्यास, डिसेंबर 2021 च्या तुलनेत डिसेंबर 2022 मध्ये ESI योजनेत योगदान देणाऱ्या कर्मचाऱ्यांची संख्या 14.52 लाख अधिक असल्याचे आढळून आले आहे. डिसेंबर 2022 मध्ये EPFO ने जोडलेल्या 14.93 लाख नवीन सदस्यांपैकी 8.02 लाख प्रथमच या सामाजिक सुरक्षेखाली आले आहेत. जास्तीत जास्त 2.39 लाख नव्याने सामील झालेले सदस्य हे 18 ते 21 वर्षे वयोगटातील आहेत. 22 ते 25 वयोगटातील 2.08 लाख नवीन सदस्य जोडले गेले. एकूण नवीन सदस्यांपैकी 55.64 टक्के सदस्य हे 18 ते 25 वयोगटातील आहेत.
हेही वाचा : ECI ON Party Symbol : निवडणूक आयोग पक्षचिन्हांचा वादावर कसा निर्णय घेतो
