बडगाम -काश्मीर खोऱ्यात शांततेला सुरुंग लावणाऱ्या दहशतवाद्यांचा नेस्तानाबूत करण्यात सुरक्षा दलाला मोठे यश मिळाले आहे. शुक्रवारी मध्य काश्मीरच्या बडगाम जिल्ह्यातील चदूराच्या झालोवा गावात सुरक्षा दल आणि दहशतवाद्यांमध्ये चकमक झाली. या चकमकीत तीन दहशतवाद्यांना ( Three militants killed in Budgam ) ठार करण्यात सुरक्षा दलाला यश आले आहे
दहशतवाद्यांच्या ठिकाणावरून शस्त्रे आणि दारूगोळा देखील जप्त करण्यात आला आहे. गुप्त माहितीच्या आधारावर पोलीस, लष्कर आणि सीआरपीएफच्या संयुक्त पथकाने परिसरात शोधमोहीम सुरू केली होती. शोध मोहीमेदरम्यान, दहशतवाद्यांनी सुरक्षादलावर गोळीबार केला. यावेळी सुरक्षा दलाने प्रत्युत्तर देत तीन दहशतवाद्यांना ठार केले. या दहशतवाद्यांची ओळख पटवली जात आहे.