Encounter : पुलवामामध्ये सुरक्षा दल अन् दहशतवाद्यांमध्ये चकमक

जम्मू-काश्मीरमधील पुलवामा जिल्ह्यातील गुंडीपोरा भागात सुरक्षा दल आणि दहशतवाद्यांमध्ये चकमक झाल्याचे वृत्त आहे. पोलीस आणि सुरक्षा दलांनी दहशतवाद्यांना घेरले आहे

श्रीनगर (जम्मू - काश्मीर) - जम्मू-काश्मीरमधील पुलवामा जिल्ह्यातील गुंडीपोरा भागात सुरक्षा दल आणि दहशतवाद्यांमध्ये चकमक झाल्याचे वृत्त आहे. पोलीस आणि सुरक्षा दलांनी दहशतवाद्यांना घेरले आहे. काश्मीर झोन पोलिसांनी ट्विट केले की, कुलगाम पोलिसांच्या विशेष सूचनांवरून पुलवामाच्या गुंडीपोरा भागात दहशतवाद्यांविरोधात शोध मोहीम सुरू करण्यात आली. यादरम्यान सुरक्षा दलाची दहशतवाद्यांशी चकमक झाली.

अधिकाऱ्यांनी सांगितले की, दहशतवाद्यांच्या उपस्थितीची माहिती मिळाल्यानंतर पोलीस, लष्कर आणि सीआरपीएफच्या संयुक्त पथकाने परिसरात शोध मोहीम सुरू केली. ते म्हणाले की, परिसरात गोळीबार सुरू असून दोन ते तीन दहशतवादी परिसरात घेरल्याचे समजते.

हेही वाचा -केंद्राने अखेर आधारबाबतची वादग्रस्त प्रेस रिलीझ घेतली मागे