निवडणूक आयोगाने मंत्री हेमंत बिस्वा शर्मा यांना बजावली नोटीस

भाजपाच्या मंत्रिमंडळातील वरिष्ठ नेते हेमंत बिस्वा शर्मा यांना निवडणूक आयोगाने कारणे दाखवा नोटीस बजावली आहे. काँग्रेसने निवडणूक आयोगाकडे हेमंत बिस्वा शर्मा यांच्याविरोधात तक्रार केली होती. शर्मा यांनी एनआयए यंत्रणेचा गैरवापर करत बोडोलँड पिपल्स फ्रंटचे नेता हग्रामा मोहिलरी यांना तरुंगात पाठवण्याची धमकी दिली होती, असे काँग्रेसने म्हटलं.

गुवाहाटी - आसाममधील भाजपाच्या मंत्रिमंडळातील वरिष्ठ नेते हेमंत बिस्वा शर्मा यांना निवडणूक आयोगाने कारणे दाखवा नोटीस बजावली आहे. बोडोलँड पिपल्स फ्रंटचे नेता हग्रामा मोहिलरी यांना धमकी दिल्याचा आरोप हिमंता बिस्वा शर्मा यांच्यावर आहे.

हेमंत बिस्वा शर्मा यांना 2 नोव्हेंबरच्या संध्याकाळपर्यंत नोटीसला उत्तर देण्यास सांगण्यात आले आहे. शर्मा यांनी राष्ट्रीय तपास यंत्रणेचा (एनआयए) गैरवापर करून मोहिलरीला तुरूंगात पाठवण्याची धमकी दिल्याची तक्रार निवडणूक आयोगाकडे काँग्रेसने केली होती. बोडोलँड पीपल्स फ्रंट हा आसाममधील काँग्रेसचा सहयोगी पक्ष आहे.

आसाम विधानसभा निवडणूक -

आसाममध्ये तीन टप्प्यात मतदान होत आहे. मतदानाचा पहिला टप्पा 27 मार्च रोजी पार पडला आहे. हेमंत बिस्वा शर्मा यांनी मागील वेळेपेक्षा जास्त मते भाजपाला मिळतील, असा विश्वास व्यक्त केला. तिसर्‍या टप्प्यात भाजपासाठी काँग्रेस आणि एआययूडीएफची महायुती एक आव्हान बनू शकते. मात्र, आसाममध्ये भाजपाचे सरकार स्थापन होईल, असा मला विश्वास आहे. महिला सक्षमीकरण आणि विकासासाठी सरकार काम करत आहे, असेही ते म्हणाले.

हेही वाचा -LIVE Updates : आसाम विधानसभा निवडणुकीचा दुसरा टप्पा; दुपारी एकपर्यंत ४८.२४ टक्के मतदान..