हैदराबाद :दिवाळी हा हिंदू धर्मातील प्रमुख सणांपैकी एक आहे. हा दिव्यांचा किंवा रोषणाईचा सण आहे. 14 वर्षांच्या वनवासानंतर भगवान राम त्यांच्या राज्यात अयोध्येत परतल्याबद्दल दिवाळी सण साजरा केला जातो. इतकेच नाही तर हा सण लक्ष्मी, समृद्धीची देवी, बुद्धीची देवता आणि अडथळे दूर करणारा गणेश यांच्याशी देखील संबंधित आहे. रामायणानुसार, लंकेचा राजा रावणाचा वध करून जेव्हा भगवान श्रीराम आपली पत्नी सीता आणि भाऊ लक्ष्मण यांच्यासह अयोध्येला परतले, तेव्हा संपूर्ण अयोध्या शहर दिव्यांनी सजले होते. 14 वर्षांच्या वनवासानंतर प्रभू राम अयोध्येत परतल्याच्या आनंदात दिवाळीचा सण साजरा केला जातो.
दिवाळीचा शुभ काळ :
- अमावस्या तिथीची सुरुवात – १२ नोव्हेंबर – दुपारी ०२:४४
- अमावस्या तिथी समाप्ती - 13 नोव्हेंबर - 02:56 पर्यंत
- लक्ष्मी पूजनाची वेळ - 12 नोव्हेंबर संध्याकाळी 05:19 ते 07:19 पर्यंत
दिवाळी हा पाच दिवसांचा सण आहे :दिवाळीचा सण धनत्रयोदशीनं सुरू होतो आणि भाऊबीजच्या दिवशी संपतो. हा पाच दिवसांचा उत्सव आहे. ज्यामध्ये धनत्रयोदशी, नरक चतुर्दशी, लक्ष्मी पूजन, पाडवा आणि भाऊबीज हे सण साजरे केले जातात. हिंदू कॅलेंडरनुसार, दरवर्षी दिवाळी कार्तिक महिन्याच्या 15 व्या दिवशी अमावस्या तिथीला साजरी केली जाते. या दिवशी गणपती आणि माता लक्ष्मीची विधिवत पूजा केली जाते. यावर्षी 12 नोव्हेंबर 2023 रोजी रविवारी देशभरात दिवाळी साजरी होणार आहे. या वर्षी गणेश-लक्ष्मी पूजनाचा मुहूर्त संध्याकाळी 06:11 ते 08:15 पर्यंत असेल. यावर्षी 10 नोव्हेंबर 2023 रोजी धनत्रयोदशीचा सण साजरा केला जाणार आहे. 11 नोव्हेंबर 2023 रोजी छोटी दिवाळी साजरी होणार आहे. दुसऱ्याच दिवशी 12 नोव्हेंबर 2023 रोजीलक्ष्मी पूजन केले जाईल. 13 नोव्हेंबर 2023 रोजी गोवर्धन पूजा साजरी केली जाईल. 14 नोव्हेंबर 2023 रोजी भाऊबीजचा सण साजरा केला जाईल.