Bageshwar Sarkar Chamatkar: बागेश्वर सरकार धाममध्ये भरतो 'दिव्य दरबार'.. धीरेंद्र शास्त्रीचें आहेत अनेक चमत्कार.. सगळं काही सांगतात शास्त्री महाराज..

मध्यप्रदेशातील बागेश्वर धाम सरकारमध्ये येणाऱ्या भाविकांना येथे अनेक चमत्कार पाहायला मिळत असल्याचा दावा करण्यात येत आहे. धीरेंद्र शास्त्री महाराजांच्या दरबारात भाविकाची सर्व माहिती कागदावर लिहितात. यासह त्या व्यक्तीची समस्याही शास्त्री महाराज सांगत असल्याचे बोलले जाते.

रायपुर (छत्तीसगड):बागेश्वर धाम मध्य प्रदेशातील छतरपूर जवळ आहे. तेथील बाबा धीरेंद्र शास्त्री हे परमात्म्याच्या नावाने दरबार भरवत असतात. या दरबारात ते कथाही सांगतात आणि लोकांच्या समस्या सोडवण्याचा दावा करतात. याठिकाणी लोक त्यांच्या समस्या घेऊन येतात. धीरेंद्र शास्त्री हे लोकांच्या समस्या कागदावर लिहून देतात. या समस्यांवर ते उपायही सांगत असल्याचे कळते. त्यांच्या या दाव्यावरच अंधश्रद्धा निर्मूलन समितीकडून आक्षेप घेण्यात आला आहे.

बागेश्वर धामबाबत काय सांगितले जाते?: धीरेंद्र शास्त्रींना हनुमानजी आणि त्यांच्या दिवंगत आजोबांचा इतका आशीर्वाद लाभला की, त्यांना दैवी अनुभूती जाणवू लागली आणि त्यांनी लोकांच्या दु:ख दूर करण्यासाठी आजोबांप्रमाणे 'दिव्य दरबार' आयोजित करण्यास सुरुवात केली. धीरेंद्र शास्त्री सांगतात की, त्यांनी हनुमानजी आणि सिद्ध महाराजांचे प्रत्यक्ष दर्शन घेतले आहे. वयाच्या 9 व्या वर्षी त्यांनी हनुमानजी बालाजी सरकारची भक्ती, सेवा, ध्यान आणि उपासना सुरू केली. या साधनेचा त्यांच्यावर इतका परिणाम झाला की बालाजींच्या कृपेने त्यांना लोकांचे विचार कळू लागले, असे म्हणतात. बागेश्वर धाममध्ये मंगळवारी अर्ज केला जातो. अर्ज करण्यासाठी लोक आपली इच्छा सांगून लाल कपड्यात नारळ बांधतात, तो नारळ येथे एका ठिकाणी बांधतात आणि रामनामाचा जप करतात आणि मंदिराची 21 परिक्रमा करतात.

बागेश्वर धाम कुठे आहे: बागेश्वर धाम मध्य प्रदेशातील छतरपूर जिल्ह्यातील गाडा गावात आहे. येथे हनुमानजीचे मंदिर आहे. या मंदिराजवळ धीरेंद्र कृष्णाचे आजोबा आणि गुरुजींची समाधी बांधलेली आहे. लोक मंगळवारी येथे येतात आणि त्यांच्या समस्या अर्ज करून मांडतात. बागेश्वर धाममध्येच भव्य दरबार भरवला जातो. पंडित धीरेंद्र शास्त्री दरबारातील कोणालाही नावाने हाक मारतात आणि ती व्यक्ती त्यांच्यापर्यंत पोहोचते तेव्हा शास्त्रीजी त्यांचे नाव आणि पत्ता एका कागदावर त्यांच्या समस्या आणि उपायांसह लिहितात. बागेश्वर धाममध्ये केलेला अर्ज कधीच चुकत नाही, अशी लोकांची धारणा आहे.

बाबांना दिली ३० लाखांची ऑफर:बागेश्वर धामचे बाबा पंडित धीरेंद्र कृष्ण शास्त्री वादात सापडले आहेत. लोकांनी न सांगता त्यांच्या समस्या जाणून घेतल्याचा ते दावा करतात. त्यांच्या या ज्ञानाला नागपूरच्या अंधश्रद्धा निर्मूलन समितीने नागपुरात होणाऱ्या कथेला आव्हान दिले होते. त्यानंतर आता बाबांनी त्यांचे आव्हान स्वीकारले आहे. आता बाबांचे हे कार्य विज्ञानावर विश्वास ठेवणाऱ्यांना अंधश्रद्धा वाढवणारे वाटते. या त्यांच्या दरबारात येणाऱ्या लोकांनी बाबांना न विचारता त्यांच्या समस्या दाखवण्यास सांगितले आहे. चमत्कार सिद्ध केल्यास समितीने 30 लाखांची ऑफरही दिली आहे. समितीची ३० लाखांची ऑफरही त्यांनी नाकारली आहे. त्यांच्या सर्व प्रश्नांची उत्तरे मोफत देणार असल्याचे त्यांनी सांगितले. समितीच्या सदस्यांना 20 आणि 21 जानेवारी रोजी रायपूर येथे होणाऱ्या दरबारात त्यांनी बोलावले आहे.

नागपूरमध्ये नेमकं काय झालं?:नुकतीच पंडित धीरेंद्र शास्त्री यांनी नागपुरात कथेचे आयोजन केले होते. दरम्यान, नागपूरच्या समितीने धीरेंद्र शास्त्री यांना त्यांनी केलेले दावे सिद्ध करण्याचे आव्हान दिले. समितीचा आरोप आहे की, धीरेंद्र यांनी आव्हान स्वीकारले नाही. 5 ते 13 जानेवारी दरम्यान कथा होणार होती. मात्र धीरेंद्र दोन दिवस अगोदर नागपूर सोडून निघून गेले, तर निमंत्रण पत्र आणि पोस्टरमध्ये 13 जानेवारीपर्यंत कथेचा उल्लेख आहे. त्यावर शास्त्री यांनी आरोपांना उत्तर दिले. ते म्हणाले की, आमची नागपुरातील कथा ७ दिवसांची होती. कथा सोडून आम्ही पळून गेलो नाही. गुरुजींचा वाढदिवस असल्याने सर्व ठिकाणच्या कथेतून २-२ दिवस कमी झाले आहेत. त्यामुळेच नागपूरच्या कथेतून दोन दिवस कमी झाले.

ईटीव्ही भारत याबाबत कुठलाही दावा करत नाही.