उज्जैन :महाराष्ट्र राज्याचे उपमुख्यमंत्री देवेंद्र फडणवीस ( DCM Devendra Fadnavis in Ujjain ) यांनी आज उज्जैन येथे महाकालचे दर्शन घेतले. उपमुख्यमंत्र्यांनी बाबा महाकालच्या गर्भगृहात पूजा केली. यासोबतच बाबा महाकाल यांना जल आणि दुधाचा अभिषेक करून आरती केली. उपमुख्यंत्र्यांनी नंदी हॉलमध्ये ओम नमः शिवायचा जप केला.
पारंपारिक वेषात पूजा : महाराष्ट्राचे उपमुख्यमंत्री देवेंद्र फडणवीस ( DCM Devendra Fadnavis at Mahakaleshwar in Ujjain ) बुधवारी जगप्रसिद्ध बाबा महाकालेश्वराच्या दरबारात पोहोचले. गर्भगृहात पोहोचल्यानंतर त्यांनी बाबा महाकाल यांची विशेष प्रार्थना करून त्यांचे आशीर्वाद घेतले. देवेंद्र फडणवीस यांनी पारंपरिक धोतर आणि शोला परिधान करून गर्भगृहात प्रवेश केला आणि बाबा महाकाल यांना जल आणि दुधाचा अभिषेक करून आरती केली. पूजा केल्यानंतर ते नंदीहॉल येथे शिवपूजेत तल्लीन झालेले दिसले.
सर्वांच्या कल्याणाची कामना : उपमुख्यमंत्री देवेंद्र फडणवीस ( DCM Devendra Fadnavis ) दर्शन घेतल्यानंतर माध्यमांशी बोलताना म्हणाले की, मी महाकालचा निस्सिम भक्त असून महाकालच्या दर्शनासाठी येथे नेहमीच येत असतो. आज बाबा महाकालचे दर्शन घेतल्यानंतर मी सर्वांच्या कल्याणाची कामना केली आहे. अभिनेता शाहरुख खान त्याच्या पठाण या नवीन चित्रपटाच्या यशासाठी वैष्णोदेवीला भेट देत असल्याच्या प्रश्नावर ते म्हणाले की, कोणीही विश्वासाने कुठेही जाऊ शकतो. आपल्या यशासाठी कोणी कोणत्याही तीर्थक्षेत्री गेले तर त्यात गैर काहीच नाही.
