वॉशिंग्टन -अर्थमंत्री निर्मला सीतारामन यांनी म्हटले आहे, की क्रिप्टोकरन्सीचा वापर मनी लॉन्ड्रिंग आणि दहशतवादी वित्तपुरवठा करण्यासाठी केला जाऊ शकतो, जो सर्व देशांसाठी क्रिप्टोशी संबंधित सर्वात मोठा धोका आहे. ( International Monetary Fund ) वॉशिंग्टन डीसी येथे आंतरराष्ट्रीय नाणेनिधीने आयोजित केलेल्या एका कार्यक्रमात अर्थमंत्र्यांनी अमेरिका दौऱ्यावर या गोष्टी सांगितल्या आहेत. अर्थमंत्र्यांनी सांगितले की, तंत्रज्ञानाचा वापर करूनच क्रिप्टोकरन्सीचे नियमन केले जाऊ शकतात. आणि कोणत्याही देशाला वाटत असेल की तो एकटाच हाताळू शकतो, तर ते शक्य नाही. सर्व देशांनी मिळून त्याचे नियमन करावे लागतील.
आम्ही क्रिप्टोकरन्सीवर 30 टक्के कर लावला - अर्थमंत्र्यांनी सांगितले की, भारताने क्रिप्टोकरन्सीमधून मिळणाऱ्या उत्पन्नावर 30 टक्के कर लावण्याचा निर्णय घेतला आहे, जेणेकरून ते व्यवहार करणाऱ्या लोकांवर नजर ठेवता येईल. याद्वारे, त्यांच्या व्यवहारात कोण-कोण सामील आहे हे शोधणे शक्य होईल. अर्थमंत्र्यांनी सांगितले की, "इलेक्ट्रॉनिक कोडमध्ये होत असलेल्या या व्यवहारांचा आम्ही कसा मागोवा घेऊ शकतो. त्यामुळे आम्हाला खात्री करायची होती. म्हणूनच आम्ही क्रिप्टोकरन्सीवर 30 टक्के कर लावण्याचा निर्णय घेतला, त्यामुळेच आम्ही हे करू शकू.